Исмаилова Црква (Вевчани)

Исмаилова Црква — археолошко наоѓалиште во струшкото село Вевчани. Претставува населба и некропола од доцноантичко време. Се наоѓа на југозападниот раб на селото, на простор од 200 × 250 м, од обете страни на патот за селата Долна Белица и Велешта. Денес, на местото се наоѓаат ниви, каде што се откриени темели од објекти, а на длабочина од околу 80 см откриен е и мозаик и повеќе гробови. По површината на нивите се среќаваат фрагменти од керамички садови, питоси и големо количество градежен материјал.

Поврзано

• Вевчани;
• Бели Брег — населба од доцноантичко време;
• Бојкоска Браненица — населба од доцноантичко време;
• Плешец — населба од неолитско и железно време.