Индира Кастратовиќ

Од Википедија — слободната енциклопедија
Прејди на: содржини, барај
Индира Кастратовиќ
Лични податоци
Име Индира Кастратовиќ
Роден на 2 октомври 1970 (1970-10-02) (43 г.)
Роден во  Бања Лука, БиХ
Националност Босна и Херцеговина Босанка
Клуб
Сегашен клуб Македонија ЖРК Вардар (Тренер)
Клубови



1994-2006
ЖРК Халас Јожеф
Југоинспект Нови Сад
ЖРК Вождовац
Кометал ЃП
Национален тим 1
Македонија Македонија


1 National team caps and goals correct
as of 17 February 2013.

Индира Јакуповиќ Кастратовиќ (2 октомври 1970, Бања Лука, БиХ) е една од најдобрите македонски ракометарки, воедно и еден од најдобрите десни бекови во историјата на ракометната игра. Започнува да игра ракомет на 15 години во Приједор каде тогаш живее со своето семејство. Нејзиниот неоспорен талент за ракомет е набрзо забележан, така што на свои 18 години го потпишува својот прв професионален договор играјќи за екипата Халас Јозеф од Ада, по што следуваат екипите Југоинспект од Нови Сад и Вождовац од Белград. Во 1994 година доаѓа во екипата на Кометал Ѓорче Петров со што започнува една нова страница во животот и професионалната кариера на Кастратовиќ. Паралелно нижејќи успеси со Кометал, Кастратовиќ започнува да настапува и за македонската женска ракометна репрезентација со која најголемиот успех го постигнува на СП во Германија 1997 година, каде Македонија го освојува одличното 7 место а таа е прогласена за најдобар стрелец на првенството со постигнат 71 гол. Кулминацијата на нејзиниот ракометен успех ќе биде освојувањето на титулата во европската “Лига на шампиони” со Кометал на 19 мај 2002 година. Тогаш, Кометал издвојуваше победа над унгарски Херц со 26-22 во Скопје , анулирајќи ја негативата од првиот двомеч во Унгарија каде резултатот беше 27-25 во полза на Херц. Тоа беше најголемиот клупски успех на една македонска екипа, остварување на сонот за Кастратовиќ, Нацева, Будимир, Велкова, Кисељева и останатите ракометарки на Кометал, успех кој силно одекна во ракометна Европа. Индира Кастратовиќ ја заврши професионалната кариера во 2006 година, а денес е тренер на женската ракометна екипа Вардар СЦБТ од Скопје. Таа е во брак со ракометниот стратег Зоран Кастратовиќ со кого ја има ќерката Сара.