Зијадин Села
| Зијадин Села | |
|---|---|
| |
| Претходник | Рамиз Мерко |
| Наследник | Рамиз Мерко |
| Градоначалник на Општина Струга | |
| На должноста 2013–2017 | |
| Претседател на Алијанса за Албанците | |
| На должноста | |
| Стапил 2015 | |
| Лични податоци | |
| Роден(а) | 1972 Ливада, Струшко |
| Националност | Албанец |
| Партија | Алијанса за Албанците |
| Професија | специјалист по интерна медицина |
| Вероисповед | муслиман |
Зијадин Села (албански: Ziadin Sela; роден во 1972 во Ливада, Струшко) — градоначалник на Општина Струга во периодот 2013 — 2017 година.[1] На Локалните избори во 2013 Села го победил заедничкиот кандидат на ВМРО-ДПМНЕ и СДСМ Владимир Кочовски со околу 5.000 гласови разлика.[2] По изборните резултати имало 15 жалби од страна на ВМРО-ДПМНЕ до ДИК, но комисијата прифатила само две кои не влијаеле врз конечниот резултат.[3]
Една од првите негови мерки по преземањето на градоначалничката функција било уривање на сите дивоградби сместени долж кејот на реката Црн Дрим.[4] На Парламентарните избори 2016 година коалицијата предводена од него, Алијанса за Албанците, учествувала на изборите на кои Села бил избран за пратеник во македонското Собрание.
Медицинска кариера[уреди | уреди извор]
Што се однесува до неговата професионална кариера, тој по професија е лекар, специалист интернист. Започнал како специјализант работејќи во Црвениот крст, а потоа преминал во општата болница во Струга. Со запливувањето во политичките води, извесен период бил и директор на Државен санитарен и здравствен инспекторат, а потоа станал пратеник. Зијадин Села е оженет и татко на две малолетни деца.[5]
Контроверзност[уреди | уреди извор]
Пред да стане градоначалник, Села бил пратеник во Македонскиот парламент во периодот 2011 — 2013. За време на неговиот пратенички мандат предизвикал големо медиумско внимание со неговата радикална изјава во врска со законот за македонските бранители, заканувајќи се дека ќе го запали парламентот.[6]
На 11 јули 2014 г. Села бил еден од предводниците на поголема група демонтранти во Скопје поради судската пресуда за сторителите на Убиствата кај Смилковското Езеро. Групата скандирала „УЧК“, и „Етничка Албанија“, иако во извештајот не се наведува дали Села скандирал заедно со нив.[7]
Поврзано[уреди | уреди извор]
Наводи[уреди | уреди извор]
- ↑ „д-р Арбен Лабеништи му ја честита победата на д-р Зијадин Села“. ТВ Спектра. 25 март 2013. Архивирано од изворникот на 2013-03-28. Посетено на 24 мај 2013.
- ↑ „Зијадин Села е градоначалник на Струга“. Дојче Веле. 13 април 2013. Посетено на 24 мај 2013.
- ↑ „Зијадин Села е нов градоначалник на Струга“. Плус Инфо. 13 април 2013. Посетено на 24 мај 2013.
- ↑ „Зијадин Села ќе ги урива дивоградбите крај кејот на Дрим“. МКД.мк. 15 мај 2013. Архивирано од изворникот на 2013-06-17. Посетено на 24 мај 2013.
- ↑ „Зијадин Села ќе го лечи срцето на Струга“. Охрид Тајмс. 25 април 2013. Посетено на 24 мај 2013.[мртва врска]
- ↑ „Зијадин Села се закани дека ќе го запали парламентот“. Сител. 8 ноември 2012. Архивирано од изворникот на 2012-11-10. Посетено на 24 мај 2013.
- ↑ „Демонстрантите дојдоа до Мавровка и седнаа на земја“. РСЕ. 11 јули 2014. Посетено на 11 јули 2014.
Надворешни врски[уреди | уреди извор]
- Биографија на Зијадин Села на порталот на Општина Струга