Западен Брег

Западниот Брег, нарекуван и Јудеја и Самарија, е територија на Блискиот Исток на западниот брег на реката Јордан.

По распаѓањето на Османлиската Империја, оваа територија станува дел од Британскиот Мандат Палестина. По Арапско-израелската војна од 1948 година, Западниот Брег е освоен и анектиран од страна на Јордан. Територијата останува под јорданска власт до 1967 година, кога во текот на Шест-дневната војна, Израел го освојува Западниот Брег. Со исклучок на Источен Ерусалим, Западниот Брег не е анектиран од страна на Израел.

Управување со Западниот Брег

Според Договорот од Осло од 1993 година, конечниот статус на Западниот Брег треба да биде предмет на иден договор помеѓу Израел и палестинската страна. Според привремениот договор, Изреал ги повлече своите воени сили од одедени делови од Западниот Брег, кој тогаш беше поделен на три области:

• Земја контролирана и управувана од Палестинците (Област А)
• Земја контролирана од Израел, но управувана од Палестинците (Област Б)
• Земја контролирана и управувана од Израелците (Област В)

Областите Б и В претставуваат најголем дел од територијата на Западниот Брег.

Демографија

Според проценките на Палестинското Биро за Статистика, на крајот од 2006 година во Западниот Брег (вклучувајќи го и Источен Ерусалим) живеат околу 2,5 милиони Палестинци. На Западниот Брег има и преку 260,000 израелски доселеници, како и околу 185,000 доселеници што живеат во анектираниот Источен Ерусалим.

Видете исто така

• Појас Газа
• Палестина
• Палестински територии
• Палестинска самоуправа
• Палестинска ослободителна организација
• Израел