Залбург-Еберсдорф (германски: Saalburg-Ebersdorf) — град во округот Зале-Орла, во Тирингија, Германија, близу границата со Баварија. Се наоѓа на реката Зале, 10 километри југозападно од Шлајц, 30 километри западно од Плауен и 30 километри северозападно од Хоф.
Градот е всушност административен сојуз на две големи села (Залбург и Еберсдорф), како и неколку помали села помеѓу и околу нив. Залбург се наоѓа на реката Зале со прекрасни погледи на реката, додека Еберсдорф е старо село, кое било традиционално седиште на грофовите Ројс од помладата линија и летна резиденација на Кнежевството Ројс-Гера. Дворецот и летната градина сè уште се наоѓаат во центарот на селото. Иако дворецот не се користи, летната градина (заедно со околните паркови и езера) се користи за разни настани и прослави.
