ЖС „Кадина Река“

Од Википедија — слободната енциклопедија
ЖС „Кадина Река“
Железничката станица „Кадина Река“
Општи информации
Координати41°49′55.20″N 21°38′23.40″E / 41.8320000° СГШ; 21.6398333° ИГД / 41.8320000; 21.6398333
ЛинииСкопје - Велес; Скопје - Гевгелија - Солун (Коридор 10); Скопје - Битола; Скопје - Кочани
Растојание30,2 км (од Скопје)
Перони1
Колосеци3

Железничката станица „Кадина Река“ — железничка станица во Република Македонија која се наоѓа на пругата Скопје - Велес, односно на меѓународниот железнички коридор 10 на линијата Скопје - Гевгелија - Солун. Таа е 5. станица и 8. постојка на овие пруги. Железничката станица Кадина Река е сместена непосредно на десниот брег на реката Вардар во Таорската Клисура, веднаш по утоката на Кадина Река во Вардар. Нејзината оддалеченост од главната станица во Скопје изнесува 30,2 километри[1]. Станицата Кадина Река има функција на железничка раскрсница (разминувачница) и на неа се наоѓаат три електрифицирани колосеци. Во минатото сè до отворањето на стојалиштето Смесница во јуни 2010 година, Кадина Река како железничка станица била користена најповеќе од жителите на Смесница и околните блиски села во долното течение по долината на Кадина Река, а денес главни патници кои патуваат до оваа станица се рибари кои ловат риба во Вардар или планинари кои се искачуваат на планината Голешница, како и капачи кои одат на капење и излети на Кадина Река во летниот период. На железничката станица Кадина Река, сообраќаат и застануваат патничките возови кои одат за Велес, Гевгелија, Битола и Кочани.

Возен ред[уреди | уреди извор]


Галерија[уреди | уреди извор]

  • Група планинари на пат кон врвот Лисец на Голешница при слегување од воз на станицата Кадина Река
    Група планинари на пат кон врвот Лисец на Голешница при слегување од воз на станицата Кадина Река
  • Патници чекаат воз на железничката станица „Кадина Река“
    Патници чекаат воз на железничката станица „Кадина Река“
  • Железничкиот мост на Кадина Река блиску до вливот во Вардар и селото Смесница
    Железничкиот мост на Кадина Река блиску до вливот во Вардар и селото Смесница
  • Тунелот непосредно пред станицата во северен правец кон Скопје и Зелениково
    Тунелот непосредно пред станицата во северен правец кон Скопје и Зелениково

Наводи[уреди | уреди извор]

  1. ↑ „МЖ Инфраструктура - Објава на мрежи“ (PDF). Архивирано од изворникот (PDF) на 2011-10-27. Посетено на 2011-10-15.
  2. ↑ Возен ред: 2011-2012. МЖ Транспорт АД Скопје
  3. ↑ Возен ред: 2011-2012. МЖ Транспорт АД Скопје
  4. ↑ Возен ред: 2011-2012. МЖ Транспорт АД Скопје
Македонски железници Железнички станици на линијата Скопје — Велес
Преземено од „https://mk.wikipedia.org/w/index.php?title=ЖС_„Кадина_Река“&oldid=4645738“