Ешли Вилијамс

Од Википедија — слободната енциклопедија
Ешли Вилијамс
Лични податоци
Полно име Ешли Ерол Вилијамс[1]
Роден на 23 август 1984(1984-08-23)(39 г.)
Роден во Вулверхемптон, Англија
Држава Велс Велс
Висина &100000000000001820000001,82 м[1]
Позиција одбрана
Клупски податоци
Сегашен клуб Бристол Сити Бристол Сити
Број 29
Младинска кариера
Вест Бромвич Албион Вест Бромвич Албион
Кариера*
Години Клуб Наст. (Гол.)
2001-2003 Хеднесфорд Хеднесфорд 46 (0)
2003-2008 Стокпорт Стокпорт 162 (3)
2008-2016 Свонзи Сити Свонзи Сити 322 (14)
2016-2019 Евертон Евертон 60 (2)
2018-2019Стоук Сити Стоук Сити 33 (1)
2019- Бристол Сити Бристол Сити 0 (0)
Репрезентација
2008-  Велс 86 (2)
*Настапи и голови само на првенствени натпревари, според податок од 13 мај 2012
‡ Настапи и голови за репрезентација, според податок од 1 јули 2012

Ешли Ерол Вилијамс (роден 23 август 1984 година) — велшки фудбалер, играч од одбраната на Бристол Сити и на велшката репрезентација.

Тој во моментов е и капитен на својата репрезентација.

Технички одлики[уреди | уреди извор]

Како многу цврст играч во двобоите и добар во играта со глава, Вилијамс главно игра на позицијата централен дефанзивец, но исто така може да игра и како десен бек.

Клупска кариера[уреди | уреди извор]

Вилијамс растел во младите категории на Вест Бромвич Албион. Во 2001, на возраст од 16 години, тој бил отпуштен од клубот и преминува во Хеднесфорд Таун.[2]

И покрај тоа што не бил стартер, Вилијамс успеал да импресионира.[2] Откако собрал 34 натпревари без постигнат гол на 31 декември 2003 заминал во Стокпорт Каунти.[3]

Дебитирал за Стокпорт на 16 март 2004, во натпреварот на домашен терен против Хартлепул, а својот прв погодок го постигнал на 13 ноември во победата со 3-2 над Хадерсфилд. Подоцна тој станал капитен на клубот и бил сè уште играч на Стокпорт кога го направил своето деби за репрезентацијата.[2]

На 27 март 2008 бил позајмен на Свонзи Сити до крајот на сезоната,[2] и дебитирал во новиот дрес на 8 април во домашниот натпревар против Карлајл Јунајтед кој завршил нерешено без голови. Таа сезона одиграл уште два натпревари.

На 22 мај истата година бил целосно откупен од велшкиот клуб за околу 400.000 фунти.[4] Својот прв погодок за лебедите го постигнал на 16 септември против Дарби Каунти.

Во сезоната 2010-2011 Вилијамс придонесува за првата историска промоција на велшкиот клуб во Премиер лигата, после триумфот над Рединг во финалето од плејофот. Тој исто така бил избран во тимот на годината во Чемпионшип лигата и го соборил рекордот за најмногу настапи едноподруго за клубот.

Во октомври 2012 го продолжил договорот со Свозни за уште три години. На 23 декември 2012 станал главниот лик во грд инцидент: за време на натпреварот против Манчестер Јунајтед (1-1) во една акција од играта, насилно го удрил со топката во главата Ван Перси, додека тој лежеше на земјата, што доведе до тепачка меѓу играчите. Во јули 2013 Вилијамс станува капитен на Свонзи, по заминувањето од клубот на Гари Монк.

На 12 август 2016, Вилијамс се преселил во Евертон во трансфер вреден 12 милиони евра, потпишувајќи тригодишен договор со карамелите.[5] Десет дена подоцна тој го направил своето деби за новиот клуб, влегувајќи како замена во победата со 2-1 против Вест Бромвич Албион на Хоторнс.[6]

На 23 август 2019, Вилијамс потпишал краткорочен договор со Бристол Сити во трајност до средината на јануари 2020.[7]

Репрезентативна кариера[уреди | уреди извор]

Вилијамс стекнал право да настапува за велшката фудбалска репрезентација како резултат на потеклото на неговиот дедо.[2] Дебитирал за репрезентацијата на 26 март 2008 во пријателски натпревар против Луксембург. На 11 август 2010 година повторно против Луксембург го постигнал својот прв репрезентативен гол.

Вилијамс бил повикан од страна на селекторот Крис Колман за Европското првенство 2016 во Франција,[8] на кое постигнал еден гол во четвртфиналниот двобој против Белгија, запишувајќи се во стрелците за моментален резултат 1-1 во победата со 3-1 за велшаните. [9]

Титули[уреди | уреди извор]

Велс Свонзи Сити[уреди | уреди извор]

Наводи[уреди | уреди извор]

  1. 1,0 1,1 Hugman, Barry J., уред. (2010). The PFA Footballers' Who's Who 2010–11. Mainstream Publishing. стр. 437. ISBN 978-1-84596-474-0.
  2. 2,0 2,1 2,2 2,3 2,4 „Swans sign Stockport's Williams“ (англиски). BBC7. 2008. Посетено на 10 јули 2011.
  3. „Swans sign Stockport's Williams“. BBC Sport. 27 March 2008. Посетено на 27 March 2008.
  4. „Swans complete Williams signing“ (англиски). BBC2. 2008. Посетено на 10 јули 2011.
  5. „Ashley Williams: Everton sign Swansea and Wales defender for £12m“. BBC Sport. 10 August 2016. Посетено на 10 August 2016.
  6. Kirkbride, Phil (20 August 2016). „West Brom 1-2 Everton full time report: Blues come from behind to give Ronald Koeman first win as boss“. Liverpool Echo. Посетено на 24 August 2016.
  7. Crawley, James (23 August 2019). „City complete Williams signing“. Bristol City F.C. Посетено на 24 August 2019.
  8. faw.cymru, уред. (31 мај 2016). „Gorau Chwarae Cyd Chwarae... here's the Wales Squad for UEFA EURO 2016“ (хрватски). Посетено на 31 мај 2016.
  9. gazzetta.it, уред. (1 јули 2016). „Euro 2016, Galles-Belgio 3-1: ora sarà Bale contro Cristiano Ronaldo“. Посетено на 3 јули 2016.

Надворешни врски[уреди | уреди извор]