Епир (област)

Од Википедија — слободната енциклопедија
(Пренасочено од Епир (периферија))
Прејди на: содржини, барај
Оваа статија се однесува на административната област Епир. За други значења видете Епир.
Coat of arms of Greece.svg
Епир
Περιφέρεια Ηπείρου
Областа Епир во Грција
 
Главен град Јанина
Окрузи Арта
Јанина
Превеза
Теспротија
Население 358.698 (2005)
Површина 9.203 км²
Густина 39 жит/км²
Податоци...
Портал www.roe.gr

Епир (грчки: Ήπειρος) — област во северозападна Грција. Се граничи со Западна Македонија и Тесалија на исток, Централна Грција на југ, Јонското Море и Јонските Острови на запад, додека на север граничи со Албанија. Провинцијата зафаќа површина од 9.200 km2. Другиот дел од Епир е во Република Албанија.

Територијално-административна поделба на Епир[уреди]

Епир е поделен на четири подобласти, наречени „номи“' (грчки: νομοί), кои пак, од своја страна се поделени на општини наречени „дими“ (грчки: δήμοι). Четирите општини се Теспротија, Јанина, Превеза и Арта.

Демографија[уреди]

Во грчкиот Епир живеат околу 350.000 луѓе. Најголем дел од населението се Грци, но има и Власи и Албанци. И тие, како и Македонците не се признати како малцинство, па затоа нивниот точен број не може да се утврди.

Географија и екологија[уреди]

Релјефот во грчкиот дел од Епир е карпест и планински. На исток од Епир е планината Пинд. Поголем дел од Епир лежи на заветрената страна од планината Пинд, а тоа е причината што овој регион е еден од најдождливите во Грција. Климата на Епир е главно алпска. Вегетацијата се состои воглавно од грмушести растенија, додека фауната е претставена со мечки, волци, лисици, срни и рисови.

Економија[уреди]

Од економски аспект, Епир е сиромашна област, со мала индустрија. Поради карпестиот терен, земјоделството е отежнато. Тутунот се одгледува околу Јанина, а развиен е риболовот. Сепак, поголемиот дел од храната се увезува од плодните региони на Грција.