Емпирија
Од Википедија
Емпирија (нешто емпириско, емпиричко) значи информации добиени по пат на посматрање, искуство или експериментација, наспроти нешто теоретско. Најважен коцепт во науката и научниот метод е дека сите наоди мораат да бидат емпириски, или емпириски засновани, т.е. да зависат од наоди или последици кои се видливи за човековите сетила. Ова обично се разликува од философската примена на емпиризмот со употребата на придавката и прилогот „емпириски“." Како прилог/придавка се користи и во природните и општествените науки, и се однесува на употребата на работни хипотези кои се проверливи по пат на посматрање или експеримент. Во оваа смисла на зборот, научните тврдења се предмет на и добиени од човековите искуства и посматрање. Емпириските податоци се податоци кои се добиваат со експеримент или посматрање.
[уреди] Варијации
Во друга смисла пак, „емпириското“ во науката е синонимно со „експерименталното“. Тука емпирискиот наод резултира од научнен опит или посматрање. Кога се вели за нешто дека е „полуемпириско“, се мисли дека тука делумно се користеле аксиоми или претпоставени научни закони, а делумно резултати од опит. Ваквите методи се спротивни на аб иницио методи кои се чисто дедуктивни и засновани на први начела.
Во статистиката, „емпириски“ количини се оние пресметани од искуствено утврдените вредности, наспроти оние изведени по теоретски пат.
Во економијата, „емпириското“ означува статистичка или економетриска анализа на бројчени податоци. Другите облици на искуствено-засновани хипотези не се сметаат за „емпириски“.
[уреди] Видете исто така
- Емпиризам (философска примена и историја)
- Емпириско истражување (повеќе за научната примена)
- Емпириска формула
- Феноменологија (наука)
- Теорија
