Др. Дре

Од Википедија, слободната енциклопедија
Прејди на: содржини, барај
Др. Дре

Др. Дре настапува на фестивалот Coachella Valley Music and Arts Festival (2012)
Биографски податоци
Родено име Андре Ромел Јанг[1]
Роден(а) 18 февруари 1965[2]
Комптон (Калифорнија), САД
Потекло Лос Анџелес, Калифорнија, САД
Жанрови Рап, гангстерски рап
Занимања Продуцент, рапер, претприемач, глумец
Инструменти Вокал, синтисајзер, фонограф, драм машина, семплер
Период на активност 1984–сѐ уште
Издавачи Kru-Cut, Ruthless, Priority, Death Row, Interscope, Aftermath
Соработници World Class Wreckin' Cru, N.W.A, The D.O.C., Knoc-Turn'al, Michel'le, Above the Law, Ајс Кјуб, Тупак Шакур, Снуп Дог, Еминем, Tha Dogg Pound, Изи-И, Фифти Сент, Гејм, Нејт Дог, Xzibit, Баста Рајмс, Кендрик Ламар
Мреж. место drdre.com

Андре Ромел Јанг, познат како Др. Дре, е американски музички продуцент, рапер и повремено глумец.[3] Тој е основачот и извршен директор на продуцентската куќа Афтермат, а претходно работел во Дет Роу Рекордс. Дре е одговорен за комерцијалниот пробив и успешните кариери на многу рап артисти, меѓу кои на Снуп Дог, Еминем, Фифти Сент и Гејм. Тој се смета за клучен поединец кој придонел во популаризацијата на џи фанкот, рап жанр кој се одликува со бавни фанк ритмови и текстови кои говорат за гангстерскиот живот. Според Форбс, тој е третиот најбогат хип хоп музичар во САД со имот од 250 милиони долари.[4]

Андре својата музичка кариера ја започнал како член на World Class Wreckin' Cru, група која изведувала старошколски хип хоп. Потоа го основал во култниот состав N.W.A, чии текстови биле препознатливи по нивните улични лирики и експлицитниот приказ на уличното насилство и пресметките помеѓу градските банди. Поради непремостливите недоразбирања со Изи-И (исто така член на N.W.A), Дре продолжил како соло изведувач потпишувајќи за Дет Роу Рекордс. Таму неговата кариера нагло отишла по нагорна линија, а стекнал и голема популарност поради неговите соработки со Тупак Шакур и Снуп Дог.

Неговиот прв студиски соло албум The Chronic се смета за обележје на рапот од западниот дел на Америка, а заедно со деби албумот Doggystyle од Снуп Дог ги отвориле вратите за поширока прифатеност на хип хопот како субкултура на целата територија на САД. По издавањето на вториот албум 2001 своето внимание го насочил кон пронаоѓање нови лица на хип хоп сцената.

Најпрво го потпишал тогаш надежниот Еминем и му помогнал да оствари блескава кариера. Ги компонирал битовите за најголем дел од песните на албумите Marshall Mathers LP и The Eminem Show, кои потоа станале најпродавани плочи од овој жанр на сите времиња во САД и Канада. Во 2002 потпишал договор со Фифти Сент, а потоа и со Гејм, рапери со кои забележал задоволителен успех.

Detox би требало да биде третиот и последен негов студиски албум, чиј датум на објавување првично беше најавен за 2011, но поради презафатеност на Дре со други музички проекти, сѐ уште не е издаден.

Наводи[уреди]

  1. Ro 2007, стр. 1
  2. „Monitor“, 22 февруари, 2013, стр. 32.
  3. „Monitor“, 22 февруари, 2013, стр. 32.
  4. „3. Andre "Dr. Dre" Young ($250 million)“. Forbes Magazine. http://www.forbes.com/pictures/eeel45edgm/3-andre-dr-dre-young-250-million-2/#gallerycontent. конс. 4 мај, 2012. 

Надворешни врски[уреди]