Друштвени медиуми
Друштвени медиуми (англ. social media) се однесува на алатки и платформи кои луѓето ги користат на интернет за да споделуваат мислења, искуства, погледи и било какви други информации едни со други. Друштвените медиуми може да користат различни форми: текст, слики, аудио и видео записи. Популарни друштвени медиуми се блоговите, форумите, подкастите, вики-апликациите, влоговите, како и другите форми на друштвено вмрежување.
Терминот прва го употребила Тина Шарки, применувајќи го на форма на интернет содржини која ја сочинуваат членови на една заедница во 1997 година, по што го регистрирала доменот "socialmedia.com". Подоцна терминот го популаризирал Крис Шипли, во контекст на обединувањето на блоговите, вики-апликациите, друштвените мрежи и сродните технологии во една нова форма наречена партиципативни медиуми.
Класификација на друштвените мрежи [уреди]
Постојат повеќе технологии на кои се базираат друштвените мрежи вклучувајќи ги Интернет форумите, блоговите, микроблогирањето, викијата, друштвените мрежи, подкастите, фотографиите, видеото, social bookmarking. Со повеќе теории во полето на истражување на медиумите (социјалното присуство и богатството на медиумите) и социјалните процеси (самопрезентирањето), Кеплан и Ханлејн ја создаваат класифицираната шема во својот напис „Бизнис Хоризони (2010)“, со шест различни видови на друштвени мрежи: колаборативни проекти (пример: Википедија), блогови и микро-блогови (пример: Twitter), заедница што креира содржина (пример: YouTube), сајтови за поврзување (пример: Facebook), виртуелни гејминг светови (пример: World of Warcraft) и виртуелни социјални светови (пример: Second Life). Додека, технологиите вклучуваат: блогови, споделување на фотографии, влогоби (видео блогови), објавување на ѕидови, и-мејл, инстант допишување, споделување на музика, краудсорсинг и зборување преку IP (VoIP). Многу од овие сервиси може и се интегрирани во дел од денешните платформи на друштвени мрежи.
Примери на сервиси [уреди]
- StumbleUpon: платформа за споделување линкови
- MySpace: платформа за блогирање
- YouTube: платформа за видео-блогирање
- Videopodcasts.TV: платформа за подкасти
- Second Life: платформа за играње во виртуелен свет
- Digg: платформа за споделување вести
- del.icio.us: платформа за споделување линкови
- Reddit: платформа за споделување вести
- Flickr: платформа за споделување фотографии
- Webjay: платформа за споделување плејлисти
- indymedia: глобална мрежа на независни новинари и алтернативни медиуми
- blip.tv: платформа за видео подкасти
- imeem: веб-сајт за споделување медиумски содржини
- Sneakerplay: платформа за друштвено вмрежување
- MyMediaRoom: платформа за друштвено вмрежување
Видете исто така и [уреди]
 |
Оваа информатичка статија е никулец. Можете да помогнете со тоа што ќе ја проширите. |
