Динамика (физика)

Од Википедија — слободната енциклопедија
Прејди на: содржини, барај

Динамикагранка на физиката (дел од класичната механика) и се занимава со проучувањето на силите и монентите на силите и нивното влијание на движење, за разлика од кинематиката, која пак го проучува движњето на предметите беза да се занимава со причините кои довеле до тоа движење. Исак Њутн ги дефинирал основните физички закони кои владеат со динамиката во физиката, особено познатиот втор закон на движењето.

Принципи[уреди]

Општо речено, истражувачите кои се занимаваат со динамиката, проучуваат како се однесува физички систем со текот на времето и ги проучуваат причините кои довеле до тие промени. Надоврзувајќи се на ова, Њутн ги воспоставил основноте физички законитости кои ја управуваат динамиката во физиката. Преку проучувањето на системот на механиката, целосно може да се разбере динамиката како гранка на класичната механика. Динамиката на еден начин најмногу е поврзана со Њутновиот втор закон на движењето. Но, сите три закони се од интерес за динмиката, бидејќи тие се испреплетуваат при одредено набљудување или опит.[1]

Линиска и ротациона динамика[уреди]

Проучувањата во динамиката се поделени на два правци: линиски и ротационен. Линиската динамика се занимава со предметите кои се движат по патека која наликува на права линија при што се одредуваат величините какосила, маса/инерција, поместување (во единица за растојание), [брзина]] (во единица растојание во единица време), забрзување (во единица растојани во единица време на квадрат) и импулс (масат помножена со единица брзина). Ротационата динамика се занимава со предметите кои се движат по закривена или кружна патека при што се одредуваат величините момент на сила, момент на инерција/ротациона инерција, аголно поместување (во радијани а поретко во степени ), аголна брзина (радијани во единица време), аголно забрзување (радијани во единица време на квадрат) и аголен импулс (момент на инаерција помножен со аголната брзина). Многу често, предметите се движат и линиски и ротационо.

За класичниот електромагнетизам, Максвеловите равенки се равенките кои се користат за опишување на динамичките појави. Динамиката на класичните системи кои вклучуваат механика и електромагнетизам се опишуваат со комбнација од Њутновите закони, Максвеловите равенки и Лоренцовата сила.

Сила[уреди]

Crystal Clear app xmag.svg Главна статија: „сила.

Њутон силата ја дефинрал како вршење притисок за едно тело да почне да се движи. Концептот за сила се користи за да се опише влијание кое предизвикува слободно тело (предмет) да забрзува. Моќе да биде или туркање или влечење, кое ќе предизвика промена на насоката, при што ќе се промени брзината, или ќе се деформира предметот привремено или трајно. Општо кажано, силата предизвикува состојбата на движење на предметот да се промени.[2]

Њутнови закони[уреди]

Crystal Clear app xmag.svg Главна статија: „Њутнови закони на движењето.

Њутн ја опишал силата како способност да се предизвика забрзување на масата. Неговите три закони можат да се дефинираат на начинот кој што следи:

  1. Прв закон: Ако на еден предмет не делува сила, тогаш брзината е постојана. Предметот или мирува (брзината е еднаква на нула), или пак се движи со постојана брзина во една единствена насока.[3][4]
  1. Втор закон: Стапката на промена на линискиот импулс P е еднаква на вкупната сила на предметот Fnet, т.е., dP/dt = Fnet.
  1. Трет закон: Кога едно тело дејствува со сила F1 на второ тело, второто тело истовремено дејствува со сила F2 = −F1 на првото тело. Ова значи дека F1 и F2 се еднакви по големина но со спротивни насоки.

Њутновите закони за движење важат самово инерцијални референтни системи.

Поврзано[уреди]

Наводи[уреди]

  1. Goc, Roman (2004-2005 copyright date). „Dynamics“ (Physics tutorial). http://www.staff.amu.edu.pl/~romangoc/M3-dynamics.html. конс. 18 февруари 2010. 
  2. Goc, Roman (2004-2005 copyright date). „Force in Physics“ (Physics tutorial). http://www.staff.amu.edu.pl/~romangoc/M3-1-force-physics.html. конс. 18 февруари 2010. 
  3. Browne, Michael E. (July 1999) (Series: Schaum's Outline Series). „Schaum's outline of theory and problems of physics for engineering and science“. McGraw-Hill Companies. стр. 58. ISBN 978-0-07-008498-8. http://books.google.com/?id=5gURYN4vFx4C&pg=PA58&dq=newton's+first+law+of+motion&q=newton's%20first%20law%20of%20motion. 
  4. Holzner, Steven (December 2005). „Physics for Dummies“. Wiley, John & Sons, Incorporated. стр. 64. ISBN 978-0-7645-5433-9. http://books.google.com/?id=FrRNO6t51DMC&pg=PA64&dq=Newton's+laws+of+motion&cd=8#v=onepage&q=Newton's%20laws%20of%20motion. 
Wikibooks
Англиските Викикниги нудат повеќе материјал на тема: