Дивна Лакинска
Дивна Ристова Лакинска (Тетово, 1 ноември 1941) — македонски андрагог.
Животопис[уреди | уреди извор]
Лакинска е родена во Тетово на 1 ноември 1941 година. Дипломирала на Филозофскиот факултет во Скопје (1966). Магистрирала на Филозофскиот факултет во Белград (1983), каде што и докторирала (1989). Работела како средношколски професор, а од 1971 година е професор на Вишата школа за социјални работници, подоцна Институт за социјална работа и социјална политика при Филозофскиот факултет во Скопје, каде што е редовен професор (од 2005). Ги предавала предметите: педагогија, општа андрагогија, социјална андрагогија, геронтологија и др. Во повеќе наврати била раководител на Институтот за социјална работа и социјална политика.[1] Член е на раководни тела на повеќе меѓународни асоцијации и институции. Носител и координатор е на голем број домашни и меѓународни истражувачки проекти од областа на социјалната политика и социјалната заштита на различни социјално загрозени категории на лица. Автор е на 60 труда од областа на образованието и социјалната работа.[2]
Библиографија[уреди | уреди извор]
- Семејството и образованието, 1987;
- Државна стратегија за социјален развој на Република Македонија (Country Policy Paper of the Republic of Macedonia), 1997;
- Загрозеноста на ромските деца во Општината Шуто Оризари (Vulnerability of Roma children in the municipaty of Shuto Orizari[мртва врска]), УНИЦЕФ, 2000.
Наводи[уреди | уреди извор]
- ↑ „ПОРЕД ИСТРАЖУВАЊАТА НА ИНСТИТУТОТ ЗА СОЦИЈАЛНА РАБОТА На улица живеат повеќе од 1.000 деца“. 23 ноември 2005. Посетено на 2009-10-19.[мртва врска]
- ↑ Филозофски факултет во Скопје: 1920–1946–2006, Скопје, 2006, 252.