Дејан Велкоски
| Дејан Велкоски | |
|---|---|
| Роден/а | 8 јули 1983 Скопје |
| Псевдоним | С.Ц. |
| Занимање | поет, писател |
| Националност | Македонец |
| Период | 2001 - |
Дејан Велкоски, роден на 8 јули 1983 година во Скопје, е млад македонски поет и писател.
Првите чекори во пишувањето ги прави во електронска форма, најчесто на блогови. Подоцна, од електронските записи ќе произлезат и текстовите што ќе го промовираат како поет и писател.
Првите објави, авторот ги прави во поетскиот алманах „Мугри“ кој го издава Сојузот на Студенти на Филолошкиот Факултет „Блаже Конески“ Скопје[се бара извор]. Прво објавено дело е еротската песна „Одисеја“, а прва песна со поголем успех е постмодернистичката "Cannabis Sativa"[се бара извор]. Сè до објавувањето на дебитантската збирка, авторот активно објавува во алманахот[се бара извор].
Во 2007 година, ракописот „Б. (или поезија за луѓето кои презираат поезија)“[1] победува на анонимниот конкурс за необјавена поетска книга, објавен од Сојузот на студенти на Филолошкиот факултет „Блаже Конески“ Скопје[се бара извор], по што од печат излегува првата книжевна творба на младиот автор.
На почетокот од 2008 година, како дел од едицијата „Блог-записи“[2], излегува второто печатено дело на Велкоски, збирката раскази „Последниот македонски хакер“[3]. Се работи за збирка куси раскази со ироничен тон, една своевидна критика на модерното општество и лично, речиси лирично гледање на стварноста од страна на авторот[се бара извор]. За успехот на оваа збирка говори речиси распродадениот тираж[се бара извор] од првото издание, како и изборот за лектирно дело во неколку училишта низ државата[се бара извор].
Истата година, во електронско издание, како е-книга, излегува и првиот роман, со наслов „Грабежот“ [4] Објавен е под капата на Криејтив Комонс Македонија. Се работи за трилер роман со примеси од многу други жанрови. Приказна што постојано се движи по некоја тенка линија и за која читателот во ниту еден момент не е сигурен на што е. Првобитно, романот беше фељтонски објавуван на блог, како серија куси, циклично сврзани приказни.
Белешки[уреди | уреди извор]
- ↑ Creative Commons Македонија Архивирано на 4 август 2008 г. - „Б. (или поезија за луѓето што презираат поезија)“
- ↑ Метаморфозис - 14 македонски блогери промовираа печатени книги, 28 март 2008. [Страницата е посетена на 17 јули 2008]
- ↑ Последниот македонски хакер, Скопје:2008; ISBN 978-9989-2398-7-8
- ↑ Криејтив Комонс Македонија Архивирано на 4 август 2008 г. - „Грабежот“
 | Оваа биографска статија е никулец. Можете да помогнете со тоа што ќе ја проширите. |