Градиште (Пехчево)

Градиште (познато и како Манастириште) — градиште од доцноантичко време. На околу 7 километри од градот Пехчево, на десниот брег на Брегалница, на висок рид со доминантна положба се гледаат ѕидови од одбранбен бедем на тврдина. Бедемот оградува простор од околу 200 × 150 метри што е обраснат со букова шума. По површината се среќаваат фрагменти од керамички садови, питоси, покривни ќерамиди, множество градежен материјал, како и урнатини од повеќе објекти. Биле најдени монети и жлезни предмети.

Поврзано

• Буковиќ — населба од доцноантичко време;
• Во Реката — рудник од доцноантичко време;
• Манастир — старохристијанска црква;
• Рудиште (или Раковец) — доцноантичка и средновековна рударска населба; и
• Селиште — населба од доцноантичко време.