Горно Оризари

Од Википедија — слободната енциклопедија
Прејди на: содржини, барај

Горно Оризари е населба во Општина Битола во Република Македонија.

Горно Оризари
Горно Оризари се наоѓа во Македонија
Горно Оризари
Горно Оризари (Македонија)
Координати 41°03′03″ СГШ 21°20′48″ ИГД / 
Општина Битола
Население 2.554 жит.
Надм. височина 565 м
Flag of Macedonia.svg Портал „Македонија“


Географиja и местоположба[уреди]

Горно Оризари е населба во град Битола која се наоѓа на излезот кон Прилеп на магистралниот пат М-5. Во оваа населба се наоѓа ПОУ „Тодор Ангелевски“ - Горно Оризари, фабриката "Лозар Пелистерка" и Сокотаб. Низ оваа населба поминува железничката пруга Битола-Скопје. Јужно од оваа населба се битолските нови и стари светонеделски гробишта, како и црквата Црква „Св. Недела“ - Битола. Порано село, сега приградска населба во Битола, Горно Оризари е лоцирано северно од Битола (на далечина од само 2 км), источно од излезниот пат кон Прилеп, и ограничениот пат кој ја поврзува Битола со Охрид и Ресен (западно) и Прилеп (северно).

Околни села се: Долно Оризари на исток и Раштани на запад. Порано, водата за пиење се добивала од чешми (две) и еден бунар. Во дворот од секоја куќа бунарот обично бил длабок 5-10 метри. Но, водата од нив била тешка и избивала од земјата, феномен кој се нарекува "езерска глина".

Атарот на селото е мал. Потези се: Тумба, Рид, Градено, Лозје, Мутишица, Ограѓе, Под-линија, Гладно поле, Средно патче, Мерите и Чаир. Горно оризари е село од збиен тип. Куќите се групирани во две маала: Горно и Долно. Поединечни делови во маалите се викаат по родовите - Рековци, Грујовци, Аршинковци итн.

Улици[уреди]

Улици во оваа населба се:

  • Ванчо Јаневски
  • Васил Брклевски
  • Владимир Назор
  • Костурска
  • Крсте Нале
  • Кукуш
  • Мраморец
  • Петко Шалевски
  • Рашанец
  • Раштанска
  • Стара Чешма

Историja[уреди]

Во 19. век Горно Оризари беше село во Битолската каза на Отоманската империја. според статистиката на Васил Канчов од 1900., Горно Оризари имало 236 жители, православни Македонци.

Целото население на селото било под Бугарската егзархија. Според Димитар Мишев, во 1905., Горно Оризари имало 216 православни Македонци.

Крај патот Битола-Прилеп е потегот Тумба. Во 50. години од минатиот век, во селото се пронајдени остатоци од гробови. Мештаните говорат дека тоа биле "арапски гробишта". По тоа тие заклучуваат дека некогаш во ова село живееле Арапи. На местото на тие гробишта денес се наоѓа фабриката за изработка на цигли.

Горно Оризари се вбројува во постарите села од битолскиот крај. Тоа се гледа и по сочуваните старински родови. Најпрво, ова село се викало "Оризаре". Покасно, за да се разликува од новото село Долно Оризари, го добило името "Горно". Името на селото дошло по одгледувањето на ориз. Оризот до средината на 19. век се одгледувал на потезите Мерите и Чаир.

По ослободувањето од Турците во 1912., во Горно Оризари беа забележани неколку чифлици. Сопственици биле: Рифат (имал најмногу земја), Азис, Неџип-ефенди, Шаќир-ефенди, Мемет Бањарот, Анка и други. Сите живееле во Битола, освен малобројните родови Аршинковци и Грујовци.

Во 1912, селото имаше 40 македонски куќи. Потоа мештаните ги купували поседите од читлук сабијата. Некои го добивале земјиштето со аграрна реформа. Во атарот на Горно Оризари, земјиште купувале и жителите на соседните села како и - градот Битола, Карамани, Раштани (Битолско). Од некогашниот просторен атар, жителите на Горно Оризари имаат само една четвртина, поради тоа што на атарот се наоѓа и битолскиот монопол.

Економија[уреди]

Со оглед на фактот дека станува збор за малку урбанизирана средина, не може да стане збор за некаква развиена економија. Во населбата има само мали претпријатија и тоа главно од трговски карактер, што е и главна причина за неговата неразвиеност.

Демографија[уреди]

Според пописот 2002 населбата има 2.554 жители од кои:

Општествени институции[уреди]

Во Горно Оризари постои ПОУ "Тодор Ангелевски" кое работи во склоп на ЦОУ "Тодор Ангелевски".

Администрација и политика[уреди]

Културни и природни знаменитости[уреди]

Редовни настани[уреди]

Селата Горно Оризари и Долно Оризари имаат панаѓур за Велигден. Тогаш во овие села доаѓаат гости и се приредува собир. Селските гробишта се во црквата Света Недела.

Личности[уреди]

Култура и спорт[уреди]

  • ФК Младост, настапува во третата македонска фудбалска лига (запад).

Иселеништво[уреди]

Надворешни врски[уреди]