Горан Попов

Горан Попов

Лични податоци
Роден на	2 октомври 1984 (1984-10-02)
Роден во	Струмица, СР Македонија
Висина	&100000000000001890000001,89 м
Положба	лев бек
Клупски податоци
Сегашен клуб	ВБА (на заем од Динамо Киев)
Број	4
Кариера*
Години	Клуб	Apps†	(Gls)†
2002–2003	ФК Беласица	6	(0)
2003	Продефтики	0	(0)
2004	АЕК	8	(0)
2004	Црвена Ѕвезда	0	(0)
2004–2005	Одра	11	(0)
2005–2007	Егалео	44	(1)
2007–2008	Левадијакос	20	(0)
2008–2010	Херенвен	51	(2)
2010–	Динамо Киев	31	(2)
2012–	Вест Бромвич Албион	0	(0)
Репрезентација ‡
2004–	Македонија	41	(2)
* Senior club appearances and goals counted for the domestic league only and correct as of 17 јули 2012. † Appearances (Goals). ‡ National team caps and goals correct as of 6 септември 2011

Горан Попов (Струмица, 2 октомври 1984) е македонски професионален фудбалер, кој игра на позиција лев бек и во моментов е член на англискиот, Премиер лигаш, Вест Бромвич Албион каде настапува како позајмен фудбалер од украинскиот Динамо Киев.

Попов ја започнал својата кариера во Беласица од каде поминал една сезона на заем во грчкиот клуб Продефтики, пред да потпише за далеку поголемиот клуб од оваа земја Атински АЕК. Истата 2004 година Попов се преселил во редовите на Црвена Ѕвезда, но поради серијата на повреди тој не одиграл ниту еден натпревар за белградскиот тим, поради што се вратил во грчкиот фудбал овојпат во редовите на Егалео откако поминал сезона на заем и во Полска играјќи за Одра Водзислав. Кога Егалео испаднал од лигата во 2007 година, Попов му се приклучил на Левадијакос, пред да потпише со холандскиот прволигаш Херенвен во 2008 година. Во неговата прва сезона во клубот тој го освоил КНВБ купот, постигнувајќи и еден погодок во финалето против Твенте. По две добри сезони во Херенвен во 2010 година Попов потпишал за Динамо Киев, со кого освоил уште еден трофеј, украинскиот Супер куп.

Попов исто така е и член на македонската фудбалска репрезентација. Досега има 44 настапи во репрезентацијата. Својот прв погодок за Македонија Попов го постигнал на 30 мај 2004, во победата над Естонија со 4-2.

Кариера

Вест Бромвич Албион

На 10 август 2012, Попов потпишал најпрво за Стоук Сити, но трансферот пропаднал откако не му била издадена работна дозвола за играње во Англија. Сепак, во последниот ден од трансферниот прозорец тој се преселил во Премиер лигата потпишувајќи за Вест Бромвич Албион. Своето деби во Премиер лигата, Попов го направил на 30 септември 2012 во шестото коло од сезоната, започнувајќи како стартер против Астон Вила во дербито на Бирмингем. Во следните два месеци од сезоната Попов бил главно на клупата за резерви, бидејќи менаџерот на тимот Стив Кларк повеќе верувал во Лајам Риџвел кој играл на позицијата лев бек. Во текот на месец декември 2012 Попов бил стартер во 4 од 6 натпревари. На 3 февруари 2013 година, Попов бил исклучен од страна на судијата Марк Клатенбург за плукање кон десниот бек на Тотенхем Кајл Вокер, во натпреварот кој завршил 1-0 за петлите. Должината на неговата суспензија допрва треба да се одлучи.

Приватен живот

Тој е помлад брат на Роберт Попов кој истотака е професионален фудбалер.

Надворешни врски

• Профил на Горан Попов на soccerway