Голема црноглава сипка
| Голема црноглава сипка | |
|---|---|
_Sombre_Tit,_Jadovnik,_Serbia.jpg)
| |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Сипки |
| Род: | Poecile |
| Вид: | Голема црноглава сипка |
| Научен назив | |
| Poecile lugubris Temminck, 1820 | |
| Синоними | |
|
Parus lugubris | |
Големата црноглава сипка (науч. Poecile lugubris) е член на семејството сипки (Paridae), во родот Poecile.
Распространетост[уреди | уреди извор]
Распространета е во југоисточна Европа, вклучувајќи ја и Македонија, и југозападна Азија. Таа е постојан жител (резидентна), односно не е птица преселница.
Опис[уреди | уреди извор]
Големата црноглава сипка е слична со планинската сипка, само е малку поголема и потемна од страните. Должината на телото се движи 13-14 см, а тежината од 15 до 20 грама. Клунот е кус, конусен и релативно силен. Врвот на главата и вратот кај мажјаците е кафеавоцрн, а кај женките тој дел е кафеав.
Остатокот од горниот дел од пердувите е светлокафеава боја, лицето и страните на вратот се малку посветли, а долниот дел од телото е белузлав со сивокафени страни.
Повикот ѝ е карактеристичен зиррра звук. Се огласува слично на модроглавата сипка со ци-ци-ци и врапчевото кер-р-р, како и со чечече, слично како големата сипка. Песната е слична, само малку погруба од малата црноглава сипка - чрив-чрив-чрив.
Гнездење[уреди | уреди извор]
Големата црноглава сипка гнездото го прави во шуплините на дрвјата, а понекогаш и во карпите.
Наводи[уреди | уреди извор]
- ↑ BirdLife International (2004). „Parus lugubris“. IUCN Red List. Version 2006. International Union for Conservation of Nature. Посетено на 12 May 2006.
 |
„Poecile lugubris“ на Викивидовите ? |
 |
„Голема црноглава сипка“ на Ризницата ? |