Вујко Вања

Од Википедија — слободната енциклопедија
Прејди на: содржини, барај
„Вујко Вања“  
Vanja.jpg
корица на книгата
Автор Антон Павлович Чехов
Наслов на
оригиналот
Дядя Ваня – Dyadya Vanya
Земја Русија
Јазик Руски
Жанр(ови) драма
Медиум Печатена

Вујко Вања е драма од рускиот драматург Антон Павлович Чехов. Објавена е во 1897 год. а две години подоцна ја имала својата премиера во московскиот театар.

Главната идеја на драмата е приказ на луѓето полни со емоционални фрустрации, или како што Чехов ги нарекува, „луѓе кои залудно го потрошиле животот“. Ликовите се несреќни, но несреќни на свој начин. Драмското дејство не е класично развиено, туку е одраз на психолошкото настроение на носечките протагонисти. Низ делото постојано провејува необјасниво чувство на меланхолија, која ја наподолнува атмосферата на безработица и безделничење.[1]

Драмско дејство[уреди]

Драмата е приказна за едно имашливо руско семејство, кое живее на селскиот имот. Професорот Серебрјаков е женет за многу помладата Елена Андреевна, во која се заљубени и вујкото Вања, како и месниот доктор Астров. Љубовниот заплет го чини Соња, која е силно вљубена во докторот Астров. Освен љубовните интриги, во фамилијата постојат сериозни меѓусебни недоразбирања и нетрпеливост. Вања постојано се жали на своеволниот карактер на Серебрјаков и на неговата безобѕирност кон останатите членови од семејството. Од друга страна, пак, Серебрјаков планирал да ја продаде селската куќа, што ќе повлече бран на незадоволство кај најблиските. Дејството кулминира кога вујко Вања со пиштол ќе посегне по животот на Серебрјаков, што ќе резултира со заминување на професорот и неговата сопруга од куќата. По тој невообичаен настан, работите си се вратиле по стариот тек.

Ликови[уреди]

  • Александар Владимирович Серебрјаков - пензиониран универзитетски професор, кој што живее на имотот од неговата прва жена
  • Елена Андреевна Серебрјакова - сопруга на Серебрјаков, која има 27 години
  • Софија Александровна Серебрјакова - ќерка на професорот Серебрјаков од првиот брак. Има 20-тина години и ја сметаат за помалку наивна
  • Марија Василевна Војницкаја - мајка на Вања, вдовица на починатиот сопственик на селскиот посед
  • Иван Петрович Војницки - 47 годишен маж, вујко на Соња и главен лик во драмата
  • Михаил Лвович Астров - средовечен доктор
  • Илија Илич Телегин - крепосен селанец кој живее во куќата на семејството
  • Марија Тимофеевна - старата дадилка на Соња

Наводи[уреди]

Надворешни врски[уреди]

Поврзано[уреди]