Вртеж во минута

Обртомер (лево) во автомобил - во илјади врт/мин

Вртеж во минута (врт/мин) е единица мерка за фреквенција која се користи за изразување на вртежна брзина, особено во случаи на вртење околу оска. Ова го преставува бројот на целосни вртежи направени од нешто за време од една минута. СИ единицата врт/мин за ротациона брзина е радијан во секунда (rad·s⁻¹).

За добивање на бројот на вртежи во секунда (врт/сек) бројот на вртежи во минута едноставно се дели со 60.

Примери

• Секундната сказалка на часовник - 1 врт/мин
• Грамофонските плочи - 16, 33⅓, 45 или 78 врт/мин.
• Аудио компактен диск - 500 врт/мин кога од него се читаат податоци највнатре, до 180 врт./мин кога читаат податоци крај работ.
• Барабанот кај машина за перење се врти со брзина од 500 до 2000 врт/мин. (кај Горење машината за перење ВА 65205)
• Автомобилски мотор обично се врти со брзина од 700 до 7000 врт/мин (некои можат и до 11,000 врт/мин). Мерниот инструмент во возилото кој ја покажува се нарекува обртомер.
• Клипен авионски мотор - 2000 и 3000 врт/мин.
• Компјутерски тврд диск - 3600, 4200, 5400, или 7200 врт/мин, а некои типови - 10 000 или 15 000 врт/мин.
• Тркачки автомобил - ограничен на близу 20 000 врт/мин во Формула Еден.
• 52× ЦД-РОМ - врти ЦД со 10 350 врт/мин.
• Зипова центрифуга за збогатување ураниум - 90 000 врт/мин и побрзо.
• Гасна турбина - десетици илјади врт/мин. Авионски турбини од типот JetCat достигнуваат 100 000 врт/мин со рекорд од 165 000 врт/мин.

Во физиката:

• радијан во секунда:

1 врт/мин = 2π rad·min⁻¹ = 2π/60 rad·s⁻¹ = 0.10471976 rad·s⁻¹       претворач

Поврзано

• Радијан во секунда
• Величински редови (аголна брзина)
• Вртеж (геометрија)

Надворешни врски

• Претворач (англиски)