Внукот на маѓепсникот

„Внукот на маѓепсникот“
Автор	К. С. Луис
Наслов на оригиналот	The Magician's Nephew
Преведувач	Марија Тодорова
Илустратор	Паулин Бејнс
Земја	Обединетото Кралство
Јазик	Англиски
Серијал	Хрониките на Нарнија
Жанр(ови)	Фантазија
Издавач	The Bodley Head АЕА - издавачи
Издадена	1955
Страници	202 167
Претходна	„Коњот и неговото момче“
Следна	„Последната битка“

Внукот на маѓепсникот (англиски: The Magician's Nephew) е фантастичен роман за деца од 1955 напишан од страна на К. С. Луис. Toa е шестата издадена книга од серијалот Хрониките на Нарнија, но според внатрната хронологија на серијалот е прва.

Дејството на романот започнува во раните 1900-ите во Лондон. Двајцата главни ликови, Дигори Кирк и Поли Пламер, се деца кои случајно ќе се најдат во работната соба на вујкото на Дигори, кој со помош на магија ќе ги испрати во друг свет за кој децата подоцна откриваат дека е местото каде што сите светови се спојуваат и дека од таму тие можат да пристапат во сите светови што постојат. Овој роман го раскажува настанувањето на светот Нарнија, влегувањето на злото во тој свет, и за многу други мистерии кои се појавиа во претходните книги од серијалот.

Иако пишувањето на овој роман започнало кратко по Лавот, вештерката и ормарот, К. С. Луис ја пишувал оваа книга приближно шест години, и вметнал многу авто-биографски елементи од својот живот. Оваа книга исто-така истражува неколку христијански теми како каењето, првородниот грев, искушенијата, и редот на природата.