Владимир Мартиновски

Од Википедија — слободната енциклопедија
Прејди на: содржини, барај

Владимир Мартиновски (Скопје, 1974) е македонски есеист, поет и прозаист.

Биографија[уреди]

Владимир Мартиновски е роден е во Скопје во 1974 година. Дипломирал на Филолошкиот факултет „Блаже Конески” во Скопје, каде што и магистрирал во 2001 г. на тема „Интерференции меѓу македонската современа поезија и ликовните уметности“. Докторирал на Универзитетот Париз III – Sorbonne Nouvelle, на тема „Аспекти на екфразиската поезија: Ш. Бодлер, В.К. Вилијамс, С. Јаневски, В. Урошевиќ, Џ. Ешбери и И. Бонфоа“. Работи како вонреден професор по предметите „Компаративни поетики“ на Катедрата за Општа и компаративна книжевност при Филолошкиот факултет „Блаже Конески“ на Универзитетот „Св. Кирил и Методиј“. Член е на Извршниот одбор на Меѓународната асоцијација за семиотика. Член е на Меѓународната асоцијација за компаративна книжевност, како и на извршниот комитет на Европската мрежа за компаратистички проучувања. Член е на ДККМ, на ДПМ и на Македонскиот ПЕН.

Се занимава и со музика. Учествувал во музички проекти и изданија на: Оркестарот од изворни народни инструменти „Пеце Атанасовски“, „Калдрма“ и „Баклава“.

Библиографија[уреди]

  • Од слика до песна: интерференции меѓу македонската современа поезија и ликовните уметности - студија (2003)
  • Морска месечина - хаику и танка (2003)
  • Скриени песни - хаику (2005)
  • И вода и земја и оган и воздух - хаику (2006)
  • Споредбени триптиси - студии и есеи (2007)
  • Ехо од бранови - хаибуни (2009)
  • Слики за читање: аспекти на екфразиската поезија - студија (2009)
  • Les Musées Imaginaires, L'Harmattan - студија (2009) (на француски јазик)
  • Квартети за читање, гледање, пеење и слушање - поезија (2010 - награда „Браќа Миладиновци“)
  • Споредбени диптиси - студии и есеи (2011)
  • Побрзај и почекај / Hurry un and Wait - песни во проза (2011) (на македонски и англиски јазик, препев на англиски: Калина Јанева)
  • Portrait of Poet with an Umbrella - избор (2011)(на англиски и романски јазик, препев на англиски: Калина Јанева и Милан Дамјаноски, препев на романски: Јон м. Думитру)
  • Reverse Profile - избор (2011, СВП) (на англиски, германски, чешки, романски, бугарски и српски јазик)
  • Околу Европа - раскази (заедно со Петра Хулова, Зудабе Мохавез и Кристин Димитрова - на македонски, чешки, германски и бугарски јазик) (2012)
  • Пред и по танцот - поезија (2012)
  • Зоон поетикон - аспекти на современата македонска поезија - студии и есеи (2013)

Составувач е на следните зборници и антологии:

  • UT pictura poesis - Поезијата во дијалог со ликовните уметности: тематски избор од македонската поезија - на македонски и англиски јазик (2006)
  • Метаморфози и метатекстови (Зборник научни трудови) - заедно со Весна Томовска (2008)
  • Одисеи за Одисеја (Зборник научни трудови) - заедно со Весна Томовска (2010)
  • Кога пеперутката ќе стане песна (антологија на македонската современа поезија на фламански јазик) - заедно со Лидија Капушевска-Дракулевска (2010)
  • Нов македонски хаику-бран - на македонски и англиски јазик (2011)
  • Лирски додекамерон - антологија на младата македонска поезија (2012)
  • Literary Dislocations / Déplacements littéraires / Книжевни дислокации (Зборник од 4. Конгрес на REELC / ENCLS) - заедно со Соња Стојменска-Елзесер (2012)
  • Сите лица на смешното од антиката до денес (Зборник научни трудови) - заедно со Весна Томовска (2013)
Преводи
  • Анри Мишо, Во земјата на магијата (2004)
  • Максанс Фермин, Снег (2005)
  • Зен приказни, (заедно со Владимир Јанковски) (2013)

Награди[уреди]

  • Прва награда на Конкурсот за краток расказ на „Нова Македонија“ (2009) за расказот „Бубамара на зрно од калинка“.
  • „Браќа Миладиновци“ на Струшките Вечери на Поезијата (2010) за стихозбирката „Квартети за читање, гледање, пеење и слушање“.
  • „Димитар Митрев“ на Друштвото на писателите на Македонија за најдобра книга критики (2013) за книгата „Зоон поетикон“.

Наводи[уреди]

  • Мираж - биографија и теоретски текстови