Владимир Богоевски

Владимир Богоевски
Роден	1 декември 1953 Скопје
Националност	Македонец
Занимање	одбојкар

Владимир Богоевски, познат македонски одбојкар, има исклучителна кариера во европски рамки како одбојкар и како тренер.

Почеток на спортската кариера

Одбојка почнал да игра во скопски Студент, а набрзо се префрлил во Вардар. Со овој клуб има двократна шампионска титула во СФРЈ (1975, 1976), а потоа е предводник на „црвено-црните“ во Купот на шампионите (денешна ЛШ), во која дојде до фајналфорот во Финска (1977). Таму е прогласен за најдобар играч. На репрезентативен план (со СФРЈ) е двократен бронзен медалист од ЕП (1975 Белград, 1979 Париз).

Учество на олимписките игри

Член е на „сините“ на ЛОИ 1980 во Москва, со пласман на 5. место.

Интернационална играчка кариера

Како интернационалец, патот го одведе во Шпанија, каде што настапуваше за Реал Мадрид, а потоа за Барселона. Во Барса беше и тренер од 1987 до 1990 година. Ја има предводено Тарагона и Палма де Мајорка, со која го освои Купот на Шпанија. Со Сон Амар стигна и до 2. место на Купот ЦЕВ.

Интернационална тренерска кариера

Тренер на клубот Сон Амар од Палма де Мајорка

Со овој клуб за кусо време има постигнато одлични резултати во Шпанија.

Клубот Сон Амар играше во Европските купови, во Купот на ЦЕФ каде го освои второто место. На "фајнел фор° во Италија, во првиот меч Сон Амар ја победи Падова со 3:2, додека во решавачкиот меч за првото место загуби од клубот Марчерата со 3:2, иако водеше со 2:0 во сетови.

Ова е најголем успех на Сон Амар во неговата историја. На патот до второто место во Европа ги елиминира сараевска Босна, потоа и по една екипа од Холандија, Португалија и Русија, пласирајќи се меѓу четирите најдобри екипи во Европа за да на крајот бидате втори.

Тренер на грчки ПАОК

По Шпанија, една и пол сезона мина во грчки ПАОК, што засега му е последна тренерски работа.

Како тренер има титули во купот и првенството на СФРЈ, со Партизан (1991/1992).