Виножито (политичка партија)

Од Википедија — слободната енциклопедија
Виножито
ВодачСекретаријат
Основана8 септември, 1995 година
ШтабСтефано Драгоуми 11, 53100, Лерин, Егејска Македонија, Грција
Идеологијадемократија
Полит. положбаЗаштита на правата на Македонците во Грција.
Европска припадностЕвропска слободна алијанса
Боиѕуница
Мрежно место
http://www.florina.org
Политика на Грција
Политички партии
Избори

Виножито (грчки: Ουράνιο Τόξο, Ouránio Tóxo) — политичка партија на Македонците во Егејска Македонија.[1]

Оформена е на 8 септември 1995 година, во Лерин.[1][2][3] Виножито не се смета себеси за сепаратистичка партија, тврдење кое го застапува грчката влада[се бара извор]. Седиштето на партијата е во градот Лерин. Виножито е членка на Европската слободна алијанса, а од 2022 е членка и на ФУЕН (Федерација на европските националности).[3]

Партијата и нејзините активисти се осудувани, нивните партиски канцеларии се опожарувани и ограбувани[4]. Тие се под постојан напад и притисок од страна на грчките медиуми[4].

Абецедарот издаден во 1925 година (пдф верзија)

Европскиот суд за човекови права донесе пресуда според која Грчката влада е виновна за прекршување на Европската конвенција за човекови права во однос на политичката партија. Судот и наложи на Грчката влада да и исплати на партијата компензација на износ од €35.000, кои организацијата Виножито ги искористи за повторно издавање на Букварот (Абецедарот) на македонски јазик, направен од грчката влада уште во 1925 година, под притисок на Лигата на народите, кој беше успешно претставен во Солун и Атина кон крајот на 2006 година со голема поддршка на Македонците од Егејска Македонија и голем број на грчки интелектуалци.[5]

Резултати од избори[уреди | уреди извор]

Павле Филипов Воскопулос - член е на колективното раководство на партијата Виножито

Во своето учество на изборите, Виножито ги покажала следниве резултати:

  • Избори за европски парламент во 1999 година - 4.951 гласови или 0,08%.
  • Локални избори во 2002 година - избран е еден советник во Леринскиот округ.
  • Избори за европски парламент во 2004 година - 6.176 гласови или 0,098%.
  • Локални избори во 2006 година - неколку претставници се избрани, меѓу нив и советник во Леринскиот округ.
  • Избори за европски парламент во 2009 година - 4.514 гласови или 0,086%.
  • Избори за европски парламент во 2014 година - 5.759 гласови
  • Избори за европски парламент во 2019 година - 6.412 гласови или 0,11%
  • Избори за европскиот парламент закажани во 2024 година

Наводи[уреди | уреди извор]

  1. 1,0 1,1 Киселиновски и др., д-р Стојан (2000). Македонски историски речник. Скопје: ИНИ. стр. 104. ISBN 9989-624-46-1.
  2. „EFA-Rainbow :: News 2008“. www.florina.org. Посетено на 2023-12-09.
  3. 3,0 3,1 fuen.org. „Виножито: ПОЛИТИЧКА ПАРТИЈА НА МАКЕДОНСКОТО МАЛЦИНСТВО ВО ГРЦИЈА“ (англиски). Посетено на 2023-12-09.
  4. 4,0 4,1 „Greek Helsinki Monitor & Minority Rights Group - Greece“ (PDF). Архивирано од изворникот (PDF) на 2006-12-09. Посетено на 2007-02-17.
  5. Country Reports on Human Rights Practices - 2005

Надворешни врски[уреди | уреди извор]