Вилксова Земја

Од Википедија — слободната енциклопедија
Прејди на: содржини, барај
Вилксовата Земја на карта на Антарктикот

Вилксова Земја (англ. Wilkes Land) е големо копнено подрачје на истокот на Антарктикот, на кое формално право полага Австралија како дел од Австралиската антарктичка територија, иако ова е полноважно само до истекот на Антарктичкиот договор. На предната страна областа излегува на јужниот Индиски Океан помеѓу Земјата на Кралицата Мери и Аделината Земја, и се протега од ‘ртот Хордерн (100°31' ИГД) до ‘ртот Пуркоа Па (136°11' ИГД). Подрачјето продолжува како исечок во должина од 2600 км кон јужниот пол, и зафаќа површина од 2.600.000 км², главно замрзнато земјиште. Вилксовата Земја се дели на помали подрачја во облик на помали исечоци што водат до јужниот пол:

  1. Ноксова Земја: 100°31' ИГД - 109°16' ИГД
  2. Бадова Земја: 109°16' ИГД - 115°33' ИГД
  3. Сабринина Земја: 115°33' ИГД - 122°05' ИГД
  4. земја БАНЗАРЕ: 122°05' ИГД - 130°10' ИГД
  5. Клериева Земја: (Вилксов Брег) 130°10' ИГД - 136°11' ИГД

Во поширока смисла, Вилксовата Земја продолжува на исток до ‘ртот Алден (142°02' ИГД), зафаќајќи ја и Аделината Земја, на која полага право Франција.

Име[уреди]

Вилксовата Земја го носи името на американскиот поручник Чарлс Вилкс (подоцна контраадмирал) кој го истражил ова крајбрежје во периодот од 1838 до 1842 г. како дел од Американската истражувачка експедиција. Вилкс ја добил почеста откако го открил континенталниот раб што се протега 2.400 км долж брегот, така приложвајќи цврст доказ дека Антарктикот е континент. Оваа дефиниција го опфаќа подрачјето источно од 142°02' ИГД наречено Земја на Кралот Џорџ, кое Вилкс го забележал, но за кое подоцна се испоставило дека се наоѓа појужно од положбите што ги завел самиот Вилкс.

Наводи[уреди]