Вилаетски конак „Уќумат“
Вилаетскиот конак „Уќумат“ — поранешна административна зграда и споменик на културата во Скопје. Се наоѓа во северниот дел од Старата скопска чаршија, веднаш до зградата на Старата турска пошта и во непосредна близина на црквата „Св. Спас“. Изграден е кон крајот на XIX век и во него била сместена највисоката вилаетска управа, откако во 1888 година, во Скопје било преместено седиштето на Косовскиот вилает од Приштина и во градот останало сè до 1912 година. Во тој период, од уметничко-занаетчиското училиште „Ислахана“ била преместена и печатницата на косовскиот вилает која била сместена во посебно утврдени простории од конакот. Објектот претрпел сериозни оштетувања во земјотресот од 1963 година, по којшто бил реконструиран и денес служи за деловна цели. Градбата е изградена во духот на исламската архитектура. Нејзината основа е во облик на правоаголник, а се состои од приземје и кат.[1]
Поврзано[уреди | уреди извор]
Наводи[уреди | уреди извор]
- ↑ Вилаетски конак „Уќумат“[мртва врска], Скопско наследство.
42°0′5″N 21°26′5″E / 42.00139° СГШ; 21.43472° ИГД
| ||||||||||||||||||||||||||||||||||||||||||||||||||
_(13).JPG)
