Викторија (ТВ серија)

Од Википедија — слободната енциклопедија
Прејди на: содржини, барај


Викторија
Жанр драма
теленовела
Создадена од Бернардо Ромеро Переиро
Настапуваат Викторија Руфо
Маурисио Окман
Артуро Пениче
Андреа Лопез
Земја на потекло САД
Колумбија
Јазик шпански
Број на епизоди 169
Продукција
Изврш(ен/ни) продуцент(и) Хуго Леон Ферер
Времетраење 45 минути
Емитување
Канал на емитување Telemundo Networks
Емитување 4 декември 20071 август 2008
Хронологија
Проследена од Г-ѓа Барбара (2008-9)
Официјална Веб-страница

Викторија (шпански: Victoria) е колумбиска теленовела. Теленовелата во САД и Колумбија беше подготвена со снимање есента во 2007, за својата американска премиера да ја доживее на 4 декември 2007. Теленовелата бележи огромен рејтинг во САД за разлика од останатите теленовели кои премиерно се прикажуваат. Некои дури ја споредуваат гледаноста и со мегахитот Скриени страсти.

Синопсис[уреди]

Викторија Сантиестебан навршува 50 години и е на пат да ја прослави 25та годишнина од свадбата со Енрике Мендоса, што се разбира, е нејзината најголема љубов и ја изневерувал во последните две години со 20 години помладата од неа жена по име Татјана. Оваа вест е тежок удар за Викторија, која мисли дека ќе биде оставена од сопругот, кој ќе отиде да живее со љубовницата. Викторија чувствува дека животот и е нарушен, и не смета дека е подготвена да се справи со животот сама, таа е жена која се давала со цел дух и тело на сопруга и на трите деца: Паула 22 год, Сантијаго 20 и Маријана 17 години. Досега таа живеела мирно во имот во колонијален стил, кој е стар неколку поколенија на Мендоса. Викторија не треба само да ја поднесе болката да го гледа мажот и со друга жена, но и децата ја обвинуваат дека не успеала да го задржи Енрике да остане со неа и го принидувала по некаков начин да бара во друга, она што не го пронашол во неа. Единствената поткрепа и е Сантијаго, нејзиниот син, кој секогаш бил против мислите на татко му. На средината од овие чувства без да очекувала, во животот на Викторија влегува маж од 34 години, Херонимо, кој се вљубува во неа и се бори да го докаже тоа, дека 50те години не значат ништо и дека животот не и е завршен. Напротив, во секој момент е важно барањето на среќа и успех. Без да сака Викторија постепено се вљубува во тој неверојатен маж, кој и ја разголува душата, барајќи ја нејзината. Кога за тоа разбира Енрике решава да и ја одземе паричната помош, која и ја давал, додека не ја заборави апсурдната ситуација со момчето. Но Викторија не го прави тоа за Херонимо, туку за сопственото достоинство. Така таа ги зема одговорностите за финансиите во куќата, одговорно, која до пред тоа никогаш не и била достапна. Викторија не може да прави ништо освен да готви добро и да се грижи одлично за куќата. Но и покрај тоа таа е решена да даде се од себе, за да се справи со се.

Улоги[уреди]

Глумци Ликови
Викторија Руфо Викторија Сантиестебан де Мендоза
Маурисио Окман Херонимо Ернесто Акоста
Артуро Пениче Енрике Мендоза
Андреа Лопез Татјана Лопез
Дијана Кихано Камила Матиз
Хавиер Делгиудиче Херардо Карденас
Лаура Перико Маријана Мендоза
Рикардо Абарка Сантијаго Мендоза

Викторија на Балканот[уреди]

Бугарија: Диема Фемили
Македонија: Сител
Србија: Фокс Телевизија

Надворешни врски[уреди]