Википедија:ВикиПроект Викимедија Македонија
Согласно заклучоците од вики средбата во јануари 2009 година потребно е да се поведе иницијатива за регистрација на НВО Викимедија Македонија во форма на здружение на граѓани согласно законската регулатива во Република Македонија и одредбите на Викимедија Фондацијата на Џими Велс од Флорида, САД.
Овој проект е започнат со цел да се стигне до успешна и ефикасна завршница на оваа иницијатива.
Ќе се користат искуствата на веќе постоечките Викимедија ограноци.
Согласно Централниот регистар[1] потребно е да се достават следниве документи за упис во регистарот на Здруженија на граѓани и фондации:
- Акт за основање;
- Статут на здружението на граѓани или фондацијата;
- Програмата за дејствување и
- Имињата на лицата овластени за застапување на здружението на граѓани или фондацијата.
За таа цел, потребно е да се формира иницијативен одбор од деловно способни основачи кој ќе одржи Основачко Собрание на кое ќе можат да учествуваат сите заинтересирани кои ќе пополнат Пристапница. Предлог дневниот ред би бил:
- Избор на органи за работа на Основачкото Собрание
- Верификација на Изјавите за деловна способност на основачите, согласно Член 16 од Законот за здруженија на граѓани и фондации[2](Службен весник на Република Македонија бр. 31 од 02.07.1998 година)
- Донесување на Одлука за основање на Здружението, согласно на Член 14, 18 и 19 од Законот за здруженија на граѓани и фондации[2] (Службен Весник на Република Македонија бр. 31/98)
- Донесување на Програма за работа на Здружението
- Донесување на Статут на Здружението, согласно Член 20 од Уставот на Република Македонија[3] и Член 5, 20 и 76 од Законот за здруженија на граѓани и фондации[2] (Службен Весник на Република Македонија бр. 31 од 02.07.1998)
- Избор на органи на Здружението
- Разно
- Верификација на Записникот за работата на Основачкото Собрание на Здружението
Референци
- ↑ Централен регистар на РМ Трговски регистар и регистар на други правни лица
- ↑ 2,0 2,1 2,2 www.zeleni.org.mk Закон за здруженија на граѓани и фондации
- ↑ Собрание на РМ Устав на Република Македонија
