Ветуница

Од Википедија — слободната енциклопедија
Ветуница
Ветуница во рамките на Македонија
Ветуница
Местоположба на Ветуница во Македонија
Ветуница на карта

Карта

Координати 42°9′11″N 22°5′3″E / 42.15306° СГШ; 22.08417° ИГД / 42.15306; 22.08417Координати: 42°9′11″N 22°5′3″E / 42.15306° СГШ; 22.08417° ИГД / 42.15306; 22.08417
Регион  Североисточен
Општина  Ранковце
Население 29 жит.
(поп. 2021)[1]

Пошт. бр. 1316
Повик. бр. 031
Шифра на КО 15005
Ветуница на општинската карта

Атарот на Ветуница во рамките на општината
Ветуница на Ризницата

Ветуница — село во Општина Ранковце, сместено во областа Славиште, во околината на градот Крива Паланка.

Географија и местоположба[уреди | уреди извор]

Селото се наоѓа во крајниот југозападен дел на територијата на Општина Ранковце. Сместено е на десната страна на Крива Река, а низ селото поминува и Ветуничка Река. Претставува село од растурен маалски тип.

Се наоѓа во непосредна близина на самиот коридор 8, по кој поминува магистралниот пат од Скопје и Куманово кон Крива Паланка до граничниот премин Деве Баир на македонско-бугарската граница. Оддалечено е 3 километри од општинското средиште Ранковце и 23,5 километри југозападно од Крива Паланка. Во близина на селото се наоѓа и автобуска станица.

Историја[уреди | уреди извор]

Се верува дека постоела населба од доцното античко време на местото на денешното село.

Стопанство[уреди | уреди извор]

Во селото не постојат стопански и услужни објекти, а самото население главно се занимава со полјоделство и сточарство.

Население[уреди | уреди извор]

Население во минатото
ГодинаНас.±%
1948168—    
1953209+24.4%
1961250+19.6%
1971221−11.6%
1981189−14.5%
ГодинаНас.±%
199183−56.1%
199473−12.0%
200257−21.9%
202129−49.1%

Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.[2]

Според податоците од пописот во 2002 година во Ветуница живеат 57 жители сите од македонско етничко потекло и со православна вероисповед.[3]

Според последниот попис од 2021 година, во селото живееле 29 жители, сите Македонци.

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население 230 88 168 209 250 221 189 83 73 57 29
Извор за 1900 г.: Македонија. Етнографија и статистика.[4]; за 1905 г.: La Macédoine et sa Population Chrétienne.[5]; за 1948-2002 г.: Државен завод за статистика на РМ.[6]; за 2021 г.: Државен завод за статистика на РМ.[7]

Родови[уреди | уреди извор]

Ветуница е македонско село.

Според истражувањата од 1975 година, родови во селото се

  • Богојевци (9 к.), Пуцкини (8 к.), Стајкови (6 к.) и Шилкови (5 к.) овде живеат од турско време. Сите потекнуваат од доселени предци. Родовите Богојевци и Стајкови се доселени од селото Отошница. Додека останатите два рода се доселени со непознато потекло. Гаџорци (6 к.) доселени се после 1918 година од селото Гулинци.[8]

Според истражувањата пак на Бранислав Русиќ во 1953 година, родови во селото се:

  • Староседелци: Пуцкинци (6 к.), Шиљковци (6 к.), Богојци (3 к.), Еребинци (5 к.)
  • Со непознато потекло: Деда-Бошко (1 к.)
  • Доселеници: Стајковци (7 к.) доселени се околу 1890 година од селото Отошница; Вучковци (1 к.) доселени се во 1903 година од селото Мала Црцорија.[9]

Самоуправа и политика[уреди | уреди извор]

Селото се наоѓа во Општина Ранковце, која била една од ретките општини во Македонија, која не била воопшто менувана во поглед на нејзините граници со новата територијална поделба на Македонија во 2004 година.

Во периодот од 1962 до 1996 година, селото се наоѓало во рамките на големата општина Крива Паланка, додека во периодот по војната од 1957 до 1962 година селото било седиште на некогашната општина Ранковце, каде што се наоѓало и во периодот 1955-1957.

Во периодот 1952-1955, селото исто така се наоѓало во тогашната општина Ранковце, во која покрај Ветуница се наоѓале и селата Вржогрнци, Гулинци, Љубинци, Одрено, Опила, Отошница, Радибуш, Ранковце и Станча. Самата Општина Ранковце била дел од Кривопаланечката околија. Општината Ранковце постоела и во периодот 1950-1952 година.

Наводи[уреди | уреди извор]

  1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. „200K Volkstumskarte Jugoslawien“.
  3. „Попис на Македонија“ (PDF). Завод за статистика на Македонија. 2002. Посетено на 30 март 2013.
  4. К’нчов, Васил. „Македонија. Етнографија и статистика“. Софија, 1900
  5. Brancoff, D.M. „La Macédoine et sa Population Chrétienne“. Paris, 1905.
  6. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  7. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
  8. Трифуноски, Јован. Кривопаланачка област. Загреб: ХАЗУ.
  9. Величковски, Драган (2009). Славишки Зборник Бр.1. Крива Паланка: Градски Музеј - Крива Паланка.

Надворешни врски[уреди | уреди извор]