Бранко Трпеновски
| Бранко Трпеновски | ||
| Роден | 1934 Охрид, Македонија | |
|---|---|---|
| Починал | 2005 Скопје | |
| Занимање | професор, алгебрист и информатичар | |
Бранко Трпеновски (Охрид, 1934 - Скопје, 2005) бил виден македонски универзитетски професор, алгебрист, втемелувач на информатичко образование во Македонија[1] и поранешен амбасадор.
Животопис[уреди | уреди извор]
Трпеновски е роден во Охрид во 1934 година. Дипломирал во 1957 година во Скопје. Докторирал во 1964 година на Природно-математичкиот факултет во Загреб на тема Prilog teoriji n-polugrupa. За асистент на Природно-математичкиот факултет во Скопје е примен во 1957 година. Подоцна работи како редовен професор на Електротехничкиот, па на Машинскиот факутет во Скопје. Проф. Трпеновски е еден од нашите најдобри алгебристи и извонредни наставници. Соавтор е на значајниот учебник во четири тома "Виша математика" (напишан заедно со Ѓорѓи Чупона и Наум Целакоски), на учебникот "Предавања по алгебра", кн.2 (напишан заедно со Ѓорѓи Чупона), како и на значајни учебници од теоријата на веројатноста. Заземал високи должности: декан на ЕТФ, ректор на УКИМ, амбасадор во Бразил. Починал во Скопје во 2005 година.[2]
Наводи[уреди | уреди извор]
- ↑ „Институт за информатика“. ПМФ - Скопје. Архивирано од изворникот на 2011-05-24. Посетено на 2012-05-31.
- ↑ ПМФ 1946-1996, монографија
| ||||||||
