Бистрица (Егејска Македонија)
| Бистрица Αλιάκμονας | |
|---|---|
 Поглед на Бистрица | |
| Местоположба | |
| Земји | Грција |
| Област | Егејска Македонија |
| Физички особености | |
| Извор | |
| • место | Грамошта |
| • координати | 40°21′00″N 20°47′34″E / 40.3499° СГШ; 20.7927° ИГД |
| • надм. вис. | 2.075 м |
| Устие | |
• место | Егејско Море, југоисточно од Либаново |
• координати | 40°27′57″N 22°39′14″E / 40.4659° СГШ; 22.654° ИГД |
• надм. вис. | 0 м |
| Должина | 297 км |
| Големина на сливот | 6.971,7 км2 |
| Особености на сливот | |
| Притоки | |
| • десни | Чрчишка Река |
Бистрица или Белица (грчки: Αλιάκμονας, Алијакмонас) — најдолгата река во Егејска Македонија и во цела денешна Грција, со вкупна должина од 297 км. Тече низ областа Западна Македонија (Костурскиот, Гребенскиот и Кожанскиот округ и Централна Македонија (Берско и Катеринско). Сливот зафаќа површина од 6.971,7 км2.[1]
Течение[уреди | уреди извор]
.jpg)
Реката извира во планината Грамошта (Грамос), близу границата со Албанија. Во горното течение, реката се движи на исток, а потоа кај Костур врти на југоисток. Опишува крива линија околу планината Црвена Гора, па свртува на североисток кај с. Земњач. Потоа влегува го големото вештачко Витивјанско Езеро. Југоисточно од Бер, Бистрица навлегува во Солунското Поле, подрачје од голема важност за земјоделството. На крај се влева во Солунскиот Залив западно од устието на Вардар, а источно од с. Либаново.
Бистрица минува крај следниве градови (по низводен редослед): Нестрам, Рупишта, Лапчишта, Земњач, Велвендо и Гида.
Слив и притоки[уреди | уреди извор]
На југоисток и југ, сливот на Бистрица се граничи со сливот на Пенеј (од Егејскиот слив), на југозапад и запад со сливовите на Војуша и Семан (од Јадранскиот слив), а на север и северосзток со сливовите на Вардар и Колудеј (од Егејскиот слив) и други помали реки кои се влеваат во бессливното подрачје во северозападот на земјата.[2]
Река Бистрица има поголем број притоки, од кои највеќето се кратки: → лева притока, ← десна притока
- → Рулска Река
- ← Галешово
- ← Питарова Река
- → Ѓоле
- ← Беливод
- → Богатска Река
- → Лошничка Река (Порос)
- ← Праморица
- → Коница
- ← Гребенска Река
- ← Венетик
- → Мегленица
Историја[уреди | уреди извор]
Според Јулиј Цезар, Бистрица претставувала граница помеѓу Македонија и Тесалија. Во горното течение одела во југоисточен правец низ Елимеја, и продолжувала на североисток, образувајќи ја границата помеѓу Пиерија, Еордеја и Иматија. Во времето на Херодот, нејзина притока била Колудеј (Лудија)[3] која се одлевала од езерото на Пела. Денес Колудеј не се спојува со Бистрица, туку се влева право во Егејското Море.
Поврзано[уреди | уреди извор]
Наводи[уреди | уреди извор]
 |
„Бистрица (Егејска Македонија)“ на Ризницата ? |
- ↑ Ристовски, Блаже, уред. (2009). „Бистрица“. Македонска енциклопедија. , книга I (А-Љ). Скопје: МАНУ. стр. 156. Text "series " ignored (help)
- ↑ «Большая Советская Энциклопедия» – Альякмон, т. 1, стр. 490
- ↑ 7, 127
|