Бил Павлески
| Бил Павлески Bill Pavleski | ||
| Роден | 8 октомври 1974 Охрид, СР Македонија | |
|---|---|---|
| Занимање | стопанственик | |
Бил Павлески (8 октомври 1974 во Охрид) — американски и македонски стопанственик и министер без ресор во периодот 2011-2017.[1]
Животопис[уреди | уреди извор]
Павлески е роден на 8 октомври 1974 година во Охрид. Средно образование завршил во САД, дипломирал Електро факултет на State University New York-Binghamton и добил две посебни Магистратури со високи почести. Тој е Магистер за Компјутерски науки на Northeastern University-Boston, и исто така Магистер за Бизнис Менаџмент на Harvard University-Boston.
Моментално е вработен во американска мултинационална информатичка корпорација Hewlett-Packard Company (HP), со седиште во Пало Алто, Калифорнија. Во текот на неговата 14 годишна кариера во HP бил поставен на различни високи инженериски и менаџерски позиции во организацијата за склaдирање на информации, вмрежување и технолошки услуги за Северна Америка, Европа и Азија. Во неговата досегашна позиција, со тим дисперзиран низ три континенти, тој е одговорен за извршување на финалната стратегија за пред и после продажба и поддршка на мултинационални Fortune 1000 корпорации. Тој е во честа комуникација и соработка со големи корпорации и е вклучен во склучување на сложени проекти со истите.
На претходните позиции извршувал одговорна позиција за производство на софтвер и блиска соработка со HP India. Бил Павлески е активен претприемач во Harvard-MIT Entepreneurship Society и е поврзан со фонд за ризичен капитал за почетни инвестиции во Бостон. Член е на Harvard Faculty club. Од 2011 година тој е поставен за Министер за странски инвестиции на Македонија.[2]
Наводи[уреди | уреди извор]
- ↑ „Бил Павлески, министер за привлекување странски инвестиции“. Вечер. 27 јули 2011. Посетено на 2012-02-07.
- ↑ Czymmeck, Anja (4 август 2011). „Mazedonien hat eine neue Regierung“ (PDF) (германски). Konrad-Adenauer-Stiftung e.V. Посетено на 2012-02-07.
Надворешни врски[уреди | уреди извор]
- Биографија на страната на Владата на Македонија Архивирано на 19 јуни 2012 г.
- Профил на Facebook
| |||||||||||||||||||||||||