Библиотека „Страшо Пинџур“ - Неготино
 Библиотеката „Страшо Пинџур“ во Неготино | |
 | |
| Земја | Македонија |
|---|---|
| Тип | градска библиотека |
| Основана | 1945 |
| Место | Неготино |
| Координати | 41°29′2″N 22°05′21″E / 41.48389° СГШ; 22.08917° ИГД |
| Фонд | |
| Збирка на | книги, списанија, весници, електронски архиви |
| Обем | 70.000 публикации |
| Критериуми за | стручна литература, лектири, белетристика, документарни, енциклопедиски книги |
| Пристап и употреба | |
| Опслужува | 1100 членови |
| Службена страница | www.negotino.gov.mk |
| Карта | |
Библиотека „Страшо Пинџур“ - Неготино — библиотека во градот Неготино. Основана е во 1945 година и денес располага со библиотечен фонд од 70.000 изданија и депониран фонд од 2.000 изданија. Библиотечниот фонд содржи стручна литература, лектири, белетристика, документарна и енциклопедиска литература. Покрај основната дејност, библиотеката спроведува проекти и организира настани, како што се промоции на книги, изложби, литературни натпревари, културни настани и активности за поттик и развој на креативноста, уметноста, филантропијата и екологијата. Активностите на библиотеката се извршуваат преку стручна и административно-помошна служба.
Библиотеката е именувана во чест на македонскиот народен херој и учесник во НОБ Страшо Пинџур.
Историја[уреди | уреди извор]
Библиотеката е основана во 1945 година и сè до 1953 година дејствувала како самостојна градска библиотека. Во 1953 година, дејноста на библиотеката влегла во склоп на Работничкиот универзитет, а во 1969 година установата се стекнала со статус на самостојна организација за вршење на библиотечна дејност.
Надворешни врски[уреди | уреди извор]
- Официјална страница Архивирано на 7 март 2016 г.