Бешичко Езеро

Бешичко Езеро
*Λίμνη Βόλβη*
Бешичко Езеро; Λίμνη Βόλβη
	Бешичко Езеро; Λίμνη Βόλβη - Карта на Бешичко ЕзероКарта на Бешичко Езеро
Место	Солунски округ, Егејска Македонија
Координати	40°40′54″N 23°28′02″E / 40.68167° СГШ; 23.46722° ИГД
Површина на сливот	1.247 км2
Земји во сливот	Егејска Македонија (Грција)
Најг. должина	21,50 км
Најг. ширина	6 км
Површина	70 км2
Најг. длабочина	22,3
Водна зафатнина	0,94 км2
Надм. височина на површината	37 м

Бешичкото Езеро (во постари извори наречено „Бешикско Езеро“; грчки: Λίμνη Βόλβη, Лимни Волви) — езеро во Егејска Македонија (денес во Грција), дел од групата на егејските езера. Се наоѓа на 40 км североисточно од Солун. Водниот слив опфаќа површина од приближно 1.247 км².Нивото на водата се менува во зависност од сезоната и врнежите. Водата се користи главно за наводнување и риболов. Езерото е сврзано преку реката Дервент со Лагадинското Езеро соседно на запад, со кое образуваат заеднички екосистем.

Езерото е наречено по околните населени места: Голем Бешик (Мегали Волви) и Мал Бешик (Микра Волви). По нив е наречена и околната Бешичка Планина.

Општината околу езерото се нарекува Бешик (Βόλβη).

Флора[уреди | уреди извор]

Езерото е богато со различни водови фитопланктон. Шумите околу него се дабови, има и повеќе градини со овошја.

Фауна[уреди | уреди извор]

Во езерото живеат 29 видиви риби,една од нив ендемска. Водоземните се барем 5 видови, а во и околу езерото се среќаваат 34 видови цицачи.Богатството на птици е презентирано со повеќе од 200 видови.Поважни што гнездат се:

мал воден бик (Ixobrychus minutus; 30 двојки)
ноќна чапја (Nycticorax nycticorax)
мала бела чапја (Egretta garzetta)
пепелава чапја (Ardea cinerea; 90 двојки)
црвена чапја (Ardea purpurea)
бел штрк (Ciconia ciconia; 50 двојки)
лисеста гусковидна патка (Tadorna ferruginea)
краткопрст јастреб (Accipiter brevipes)
лисест глувчар (Buteo rufinus)
мал орел кликач (Aquila pomarina; 1 двојка)
блатна еја (Circus aeruginosus; 3 двојки)
џуџест (мал) орел (Hieraaetus pennatus)
мала барска кокошка (Porzana parva)
модроврана (Coracias garrulus)
пепелаво (мало) свраче (Lanius minor)

Исто така езерото е важно место за прехрана на: розов (обичен) пеликан (Pelecanus onocrotalus; макс. 550 двојки) во летото, како и кадрав пеликан (Pelecanus crispus; 50+ двојки) за време на преселба. Зимно време можат да се видат цуцулест нуркач (Podiceps cristatus; 11.000 единки), големо штипче (Podiceps nigricollis; 100+ единки), црвеноглав кожувар (Aythya ferina; 30.000 единки), лиска Fulica atra; 20.000 единки) и понекогаш белоглава патка (Oxyura leucocephala)^[1]