Белица (Кичевско)

За други значења на поимот Белица видете на појаснителната страница

Белица
Белица Белица (Македонија)
Координати41°24′11″N 20°56′57″E
Општина	Општина Другово
Географски регион
Население	103 жители
Поштенски број
Повикувачки број
Надморска височина	792 m
Селска слава

Белица е село во Општина Другово, во околината на градот Кичево.

Географиja и местоположба

Село Белица е едно од најубавите кичевски села, сместено во подножјето на Беличка планина. Живописната природа, локалното население, богатото културно историско минато се причина ова село да е едно од најпознатите и најпосетуваните села во Кичевско.

Селото Белица се наоѓа јужно од градот Кичево, со координати 41 степен и 24 минути северно од екваторот и 20 степени и 56 минути источно од Гринич. Воздушно, селото е оддалечено 12 километри од градот, а патно 17 километри. Се наоѓа на надморска висина од 743 до 773 метри. Во регионот каде се наоѓа Белица владее пријатна умерено континентална клима поволна за одгледување на бројни земјоделски култури од кои најзастапени се пченката и компирот. Оваа клима пријатно годи на овошките како јаболка, црешни, сливи… Регионот на Белица е богат со шуми од кои најзастапен е дабот и борот. Порано селото било доста богато со овци и кози кои броеле неколку илјади од кои денес има останато многу малку. Белица е доста богата со вода и покрај бројните извори се наоѓаат и врелата на две реки кои се слеваат во една и ја оформуваат Беличка река која во близината на село Другово се влива во Велика река (Треска).

Општествени институции

Цркви

• Црква "Св. Ѓорѓи" - од средината на 19 век. Иконостасот и иконите потекнуваат од 1909 година.
• Црква "Св. Александар" - изградена на темели од стара црква. Нема податоци за тоа кога е градена.

Културни и природни знаменитости

Археолошки локалитети

• Горно Село - доцноантичка некропола;
• Св. Алексанрија - средновековна црква и некропола;

Редовни настани

Во селото се одржува мал фудбалски турнир на 26 мај.

Култура и спорт

Традиционално, во селото има прослави и собири за:

• Василица - 14 јануари
• Водици - 19 јануари
• Белички средби - средина на јули

Иселеништво

Забележано е иселеништво во Шведска, Норвешка, САД, Австралија и др.