Бауцен

Од Википедија, слободната енциклопедија
Прејди на: содржини, барај
Бауцен/Будишин

Bautzen/Budyšin

Bautzen (Friedensbrücke) 04 ies.jpg
Грб на Бауцен/Будишин
Бауцен/Будишин се наоѓа во Германија
Бауцен/Будишин
Управа
Земја Германија
Покраина Саксонија
Адм. подрач. Дрезден
Округ Бауцен
Градски единици 15
Градоначалник Кристијан Шрам (CDU)
Основни податоци
Површина 67 км2
Надм. височина 204 м
Население 39.743 (31 декември 2012)[1]
 - Густина 593 жит/км2
Други информации
Часовен појас CET/CEST (UTC+1/+2)
Рег. табл. BZ
Пошт. бр. 02625
Повик. бр. 03591
Портал www.bautzen.de
Местоположбата на град Бауцен/Будишин во рамките на округот Бауцен
Карта
Координати 51°10′53″ СГШ 14°25′26″ ИГД / 

Бауцен (германски: Bautzen; горнолужички: Budyšin; долнолужички: Budyšyn; чешки: Budyšín; полски: Budziszyn) е град во источна Саксонија, Германија и административен центар на истоимениот округ. Се наоѓа на реката Шпре. Астероидот 11580 Бауцен е именуван во чест на градот.

Бауцен често се смета и како неофицијален, но историски главен град на Горна Лужица и е еден од најважните културни центри на лужичките Срби, словенски народ.

Географија[уреди]

Географска положба[уреди]

Градот на реката Шпре се наоѓа околу 50 километри источно од Дрезден, помеѓу Лужичките Планини и низините на север, во регионот на Горна Лужица. На север се наоѓа и вештачкото езеоро Бауцен, кое било создадено во 1974. Ова било порано место на селата Малзиц (Małšecy) и Нимшиц (Hněwsecy).

Ширење на урбаната зона[уреди]

Стариот дел на Бауцен се наоѓа на плато над Шпре, на чиј врв е сместен замокот Ортенбург. Се граничи со градските ѕидови. Подоцнежните изградени квартови на исток од градот биле вклопени во новите градски бедеми. По нивното повлекување, градот уште повеќе се ширел на исток и на левиот брег на реката. Меѓутоа, и денес има мала урбана зона на десниот брег на реката. Во 1970-тите, развојните области „Гезунбрунен“ и „Алендфиртел“ биле проектирани. По 1990, неколку соседни села биле припоени кон него.

Соседни општини[уреди]

Градот се граничи со Радибор, Гросдубрау и Малшвиц на север, Кубшиц на исток, Гроспоствиц, Обергурих и Добершау-Гаусиг на југ, како и Геда на запад. Сите овие припаѓаат на округот Бауцен.

Градски окрузи

Градски окрузи[уреди]

Во градот има 15 градски окрузи, а тие се (жители до 1 јануари 2009):

  • Innenstadt (Nutřkowne město - „Центар на градот“), 5.278 жит.
  • Südvorstadt (Južne Předměsto - „Јужно предградие“), 1.738 жит.
  • Westvorstadt (Zapadne Předměsto - „Западно предградие“), 3.505 жит.
  • Gesundbrunnen (Strowotna studnja), 8.178 жит.
  • Nordostring (Sewjerowuchodny Wobkruh - „Североисточен ринг“), 10.727 жит.
  • Ostvorstadt (Wuchodne Předměsto - „Источно предградие“), 6.360 жит.
  • Teichnitz (Wuchodne Předměsto), 377 жит.
  • Nadelwitz (Nadźankecy), 268 жит.
  • Burk (Bórk), 325 жит.
  • Oberkaina (Hornja Kina), 832 жит.
  • Niederkaina (Delnja Kina), 522 жит.
  • Stiebitz (Sćijecy), 510 жит.
  • Kleinwelka (Mały Wjelkow), 1.314 жит.
  • Salzenforst-Bolbritz (Słona Boršć-Bolborcy), 839 жит.
  • Auritz (Wuricy), 458 жит.
Градско собрание Бауцен
Старата тврдина и црквата Свети Михаил

Историја[уреди]

Во 3-от век од нашата ера овде постоела раногерманска населба, но истражувањата во регионот покажуваат дека тој бил населен уште во доцното Камено доба.

Првиот пишан доказ за постоењето на градот бил во 1002. Во 1018, Мирот од Бауцен бил потпишан помеѓу германскиот крал Хенрик II и полскиот принц Болеслав I. Договорот предвидувал Бауцен (Budziszyn на современ полски) да остане под полско владение. Во 1033, градот поминал под Светото римско царство, во 1319 кон Бохемија и во 1635 кон Саксонија. Во текот на Средниот век бил член на Сојузот Шест Град на горнолужичките града Герлиц, Цитау, Лебау, Каменц, Лаубан и Бауцен.

Бил едно од местата на борба во Наполеоновите војни, Битка кај Бауцен во 1813.

Во текот на Втората светска војна и нацистичка Германија, постоел подкамп на концентрациониот камп Грос-Розен во Бауцен. Ернст Телман бил затворен тука, пред да биде депортиран во Бухенвалд. Помеѓу 21 април и 30 април 1945, се водела битката кај Бауцен.

Понатаму, Бауцен бил озогласен во Германската Демократска Република по неговите казнено-поправни установи. Бауцен 1 бил користен како официјален затвор, со прекарот Gelbes Elend („Жолта мизерија“), додека тајниот Бауцен 2 бил користен како затвор за затвореници на совеста. Бауцен 1 сè уште се користи ккао затвор, а Бауцен 2 е затворен и служи како споменик од 1993.

Во 2002, градот ја одбележа неговата 1000-годишница.

Меѓународни односи[уреди]

Поврзано: Список на збратимени градови во Германија

Бауцен е збратимен со:

Кулата Reichenturm

Главни знаменитости[уреди]

Бауцен имал многу компактен и добро зачуван средновековен градски центар со бројни цркви и кули и градски ѕид на стрмните брегови на реката Шпре, со еден од најстарите зачувани водоводи во централна Европа (изграден 1558).

Поголеми знаменитости се:

  • Reichenturm, една од најстрмните потпирани кули сè уште проодни кули северно од Алпите
  • Замок Ортенбург
  • Стариот водовод, архитектонски споменик и музеј
  • Катедрала Свети Петар, единствената меѓуконфесионална црква во Источна Германија
  • Hexenhaus (Куќа на вештерките), најстарата станбена зачувани зграда (изградена во 1604)

Постојат четири музеи, вклучувајќи ги Градскиот музеј Бауцен и Српскиот Музеј, (лужички: Serbski muzej).

Луѓе[уреди]

Наводи[уреди]

Надворешни врски[уреди]