Бактериски ендокардитис

Од Википедија — слободната енциклопедија
Прејди на: содржини, барај
Esculaap4.svg     Ве молиме, обрнете внимание на ова важно предупредување
во врска со темите од областа на медицината (здравјето).




Бактериски ендокардитис
Класификација и надворешни извори
Blood culture negative endocarditis.jpg
Бактеријата Bartonella henselae
МКБ-10 I33
МКБ-9 421
DiseasesDB 4224
MedlinePlus 001098
eMedicine emerg/164 med/671 ped/2511
MeSH D004696
Обдукција на срце

Бактериски ендокардитис претставува инфекција на внатрешниот слој на срцето или на срцевите залистоци.Бактерискиот ендокардитис е сериозна и понекогаш фатална болест. За тоа да се случи потребни се две работи: бактерии и слабо срце.Може да заболат мажи, жени, деца, луѓе од сите раси и етнички групи.

Која е улогата на бактериите?[уреди]

Некои видови бактерии се нормално присутни на одредени делови од човечкото тело. Тие живеат во или на :

  • Усната празнина, горните делови на респираторниот систем,
  • Цревата и уринарниот систем
  • Кожата

Бактериите можат да навлезат во крвотокот. Оваа состојба се нарекува бактериемија. Тие понатаму можат да се „населат“ на срцевите залистоци или на други оштетени срцеви структури. Ако ова се случи, тие можат да ги оштетат или дури и да ги уништат срцевите залистоци.Срцевите залистоци се важни во овозможувањето правилен и еднонасочен тек на крвта низ срцето.

Ако бидат оштетени, последиците може да бидат многу сериозни. Краткотрајни епизоди на бактериемија се честа појава после многу инвазивни процедури ( медицински процедури кои го нарушуваат интегритетот и целовитоста на кожата). Пример за тоа се одредени хируршки и стоматолошки зафати. Исто така важно е да се напомене дека не сите видови бактерии имаат потенцијал да предизвикаат ендокардитис, туку само одредени видови.

Која е улогата на срцето?[уреди]

Луѓе со нормално срце ретко добиваат ендокардитис. Оние пациенти кои имаат одредени претходно постоечки состојби на срцето се со поголем ризик за развој на ендокардитис кога ќе настане бактериемија. Срцеви состојби кои ги ставаат пациентите во категорија на зголемен ризик се:

  • Вештачка (простетична) валвула
  • Претходна историја за ендокардитис
  • Оштетени (лузнасто) променети срцеви валвули од ревматско или друго срцево заболување
  • Одредени видови на вродени срцеви маани
  • Хипертрофична кардиомиопатија
  • Трансплантирано срце

Пациентите кои претходно имале ендокардитис се со зголемен ризик повторно да добијат ендокардитис. Ова важи и во ситуации кога срцето нема структурни оштетувања. После хируршка корекција на одредени вродени срцеви маани ризикот за развој на ендокардитис драстично се намалува.

Превенција од ендокардитис[уреди]

Сите случаи на ендокардитис неможат да бидат превенирани, од причина што неможно е секогаш да се знае кога настанала бактериемија. Од друга страна пак, на оние пациенти кои се со зголемен ризик од настанување на ендокардитис им се препорачува употреба на антибиотици пред одедени хируршки, гинеколошки и стоматолошки процедури.

Надворешни врски[уреди]