Арѓеш (округ)

Округ Арѓеш Argeş
Покраина	Мунтенија
Седиште	Питешти
Население	652.625 (2002)
Површина	6.862 km2
Густина на населеност	95/km2
ISO 3166-2 шифра	RO-AG
Мрежно место	www.cjarges.ro

Арѓеш (романски: Judeţul Argeş) е округ во Романија, сместен во средишниот дел на земјата. Главен град на округот е градот Питешти, а значајни градови се и Куртеа де Арѓеш и Кампулунг.

Географија

Местоположба

Предел од јужниот дел на Арѓеш

Округот Арѓеш е копнен округ во Романија. Окружен е:

• на север со: Брашов;
• на исток со: Д'мбовица;
• на југ со: Телеорман;
• на југозапад со: Олт;
• на запад со: В'лчеа;
• на северозапад со: Сибињ.

Релјеф

Округот Арѓеш се наоѓа во Влахија, поточно во нејзината јужна покраина Мунтенија. Низ округот тече реката Арѓеш, по која округот го добил и името. Северниот дел на Арѓеш има планински карактер, каде се простираат Карпатите, во средишниот дел се простираат шуми, кои ко јужниот дел постепено преминуваат во Влашката низина.

Демографија

Арѓеш спаѓа во групата окрузи во Романија, во кои претежно живее романско население. Според пописот во Романија во 2002 година, етничкиот состав во округот го сочинуваат:

• Романци - 96%
• Роми и други.

Бројот на населението во округот по временски периоди е претставен во следната табела:

Година	Население
1948	448,964
1956	483,741
1966	529,833
1977	631,918
1992	681,206
2002	652,625

Економија

Округот Арѓеш е едн од најразвиените индустриски региони во Романија. Во него има рафинерија за нафта, а во Миовени, односно Кемпулунг се наоѓаат седиштата на автомибилските производители Дачиа, односно АРО.

Од индустриските гранки, најразвиени се:

• автомобилската индустрија;
• хемиската индустрија;
• производството на електрична опрема и апарати за домаќинството
• прехранбената индустрија;
• текстилната индустрија; и
• производството на градежни материјали.

Нафтата се исцрпува во средишниот и во јужниот дел на округот. Во округот има и рудници на јаглен, а во близина на Миовени се наоѓа центар за нуклеарно истражување и производство на нуклеарно гориво за потребите на нуклеарната централа во близина на Чернавода. По течението на реката Арѓеш распоредени голем број на хидроцентрали, од кои најзначајна е хидроцентрљлата Видрару, со соодветната брана.

Ридестите предели во округот се погодни за одгледување на овошје, а во овие предели се произведува и вино, а јужниот дел е погоден за одгледување на жито.

Туризам

Глаавни туристички дестинации во округот се:

• градот Питешти;
• градот Куртеа де Арѓеш, во чијашто близина се наоѓа манастирот Куртеа де Арѓеш;
• пределот меѓу градовите Кемпулунг и Рукар;
• Трансфагарашкиот пат на планината Фагараш;
• планината Леата;
• дворецот Појенари; и
• манастирот Котмеана.

Административна поделба

Округот е поделен на 3 општини, 4 градови и 95 комуни.

Надворешни врски

• Официјално мрежно место