Армен Купциос

Од Википедија — слободната енциклопедија
Прејди на: содржини, барај
Армен Купциос
Armen Kouptsios Makedonomaxos.jpg
андарт
Роден 3 јануари 1885
Волак, денес Грција
Починал 14 септември 1906
Драма, денес Грција


Армен Купциос (грчки: Άρμεν Κούπτσιος) бил андарт, член на Елиномакедонскиот комитет и учесник во Борбата за Македонија.

Биографија[уреди]

Купциос е роден 1885 година во гагауско семејство драмското село Волак, тогаш во Османлиската империја, (денес Волакас, Грција).

На 18 години под влијание на капетан Даис кој бил тогаш учител во Просечeн, Купциос се приклучил на грчката воружена пропаганда и зел учество во Борбата за Македонија и борбите против четите на Македонската револуционерна организација.

Во 1906 година членот на Македонската револуционерна организација, Плацев од село Скрижово заминал за Драма, а Елиномакедонскиот комитет им наредил на Купциос, Нако Војадзис (или Христос Војадзис) од Просечен и Петрос Мандзас од Палеохори да го убијат.

Тие му поставиле заседа на Плацев кај Чобанка крај Турско село (днес Милопотамос) и го убиваат. Меѓутоа истрелите биле слушнати од страна на турскиот гарнизон во Османица (Калос Агрос).

Бојадзис и Мандзас успеале да се извлечат бегајќи кон Чаталџа и Алистрати, но Купциос бил заробен. И покрај сите молби на грчкиот драмски митрополит Хрисостомос и на грчкиот конзулат во Солун, тој бил изведен пред воен суд и осуден на смрт.

По пресудата бил пренесен во Драма, каде што Елиномакедонскиот комитет направил неуспешен обид да го извлече од затворот.

На 14 септември во Драма, Купциос бил обесен. Во 1967 година грчките власти во центарот на Драма му подигнале споменик, а по неговото име е именувана и една улица во центарот на градот [1][2].

Извори[уреди]

  1. Η Δράμα και η ιστορία της
  2. Πασχαλίδης Β., Άρμεν Κούπτσιος (Ο απαγχονισμός ενός ήρωος), περ. ΜΑΚΕΔΟΝΙΚΑ ΗΜΕΡΟ-ΛΟΓΙΑ ΣΦΕΝΔΟΝΗ, Θεσσαλονίκη 1973, σελ 246.