Антоан Лоран де Жисје
| Антоан Лоран де Жисје Antoine-Laurent de Jussieu |
|
 |
|
| Роден(а) | 12 април 1748 Лион, Франција |
|---|---|
| Починал(а) | 17 септември 1836 (на возраст од 88 г.) |
| Живеалиште |  Франција |
| Националност | Франција |
| Полиња | ботаника |
| Работел(а) во | Градина на растенијата, Париз |
| Познат(а) по | класификација на цветните растенија |
| Авторска кратенка (бот.) | Juss. |
Антоан Лоран де Жисје (француски: Antoine-Laurent de Jussieu; 12 април 1748 – 17 септември 1836) бил француски ботаничар, познат како првиот што објавил биолошка класификација на цветните растенија, во голема мера непроменета до денес. Класификацијата претставува дополнување и разработка на необјавното дело на неговиот чичко, Бернар де Жисје.
Живот [уреди]
Жисје е роден во Лион. Студирал медицина во Париз, и дипломирал во 1770. Станал професор по ботаника во установата Градина на растенијата (Jardin des Plantes) од 1770 до 1826 г. Син му, Адриен Анри, исто така станал ботаничар.
Во трудот посветен на цветните растенија Genera plantarum („Растителни родови“, 1789), Жисје увоил методологија на класификација според простите особености на растенијата, идеја која ја добил од шкотско-францускиот ботаничар Мишел Адансон. Ова претставувало значаен напредок во однос на „вештачкиот“ систем на Карл Линеј, чие најпопуларно дело ги класификувало растенијата во класи и редови според бројот на прашници и толчници. Жисје сепак ја задржал Линеевата биномна номенклатура, поради што делото се стекнало со големо и долгосежно влијание - голем дел од растителните фамилии и денес му се припишуваат на Жисје. Од фамилиите зачувани во правилникот ICBN, 76 се на Жисје, наспроти само 11 на Линеј.[1]
Во 1788 е избран за странски член на Кралската шведска академија на науките.
Жисје бил член на истакнатата масонска ложа „Девет сестри“ (Les Neuf Sœurs)
Дела [уреди]
- Jussieu, Antoine Laurent de (1789). „Genera Plantarum, secundum ordines naturales disposita juxta methodum in Horto Regio Parisiensi exaratam“. Paris. OCLC 315729. http://books.google.com/books?id=nikkCxpBLm8C. проверено на 19 февруари 2007.
- Jussieu, Antoine Laurent de. „Antonii Laurentii de Jussieu Genera plantarum :secundum ordines naturales disposita, juxta methodum in Horto regio parisiensi exaratam, anno M.DCC.LXXIV“. http://www.biodiversitylibrary.org/item/7125. проверено на 19 август 2009.
- Jussieu, Antoine Laurent de. „Opuscules de botanique“. http://www.biodiversitylibrary.org/item/42195. проверено на 19 август 2009.
Наводи [уреди]
 |
Заедничката Ризница има податотеки поврзани со: „Антоан Лоран де Жисје“ |
- ↑ Morton, Alan, History of botanical science, 1981
- ↑ „Автори“. Меѓународен индекс на растителни имиња. http://www.ipni.org/ipni/authorsearchpage.do. (англиски)
- Duane Isely, One hundred and one botanists (Iowa State University Press, 1994), стр. 118–120
Оваа статија содржи текст од дело во јавна сопственост: „Де Жисје“. Енциклопедија Британика (XI). (1911). Cambridge University Press.- „Де Жисје“. Католичка енциклопедија. (1913). Њујорк: Robert Appleton Company.
