Антиподски Острови
 Поглед на Антиподските Острови од север |
|
 Топографска карта на Антиподските Острови |
|
| Географија | |
|---|---|
| Местоположба | 860 km југоисточно од Стјуартовиот Остров |
| Координати | |
| Архипелаг | Антиподски Острови |
| Поважни острови | Антиподски Остров, Болонсов Остров |
| Површина | 22 км2 |
| Макс. надм. височ. | 366 м |
| Највисока точка | Галовеј |
| Земја | |
|
Нов Зеланд
|
|
| Демографија | |
| Население | 0[1] (2006) |
Антиподските Острови или само Антиподи (англ. Antipodes Islands, од грч. αντίποδες[2]) се ненаселиви вулкански острови јужно од Нов Зеланд и територијално се дел од него. Оддалечени се 860 km од Стјуартовиот Остров.
Архипелагот се состои од еден главен остров, Антиподски Остров (20 km²), Волонсовиот Остров (2 km²) северно, и разни други островчиња и карпести столбови како Приветрениот Остров, Заветрениот Остров и островот Арчвеј. Највисока точка е Галовеј 366 m, кој претставува дел од најактивниот вулкан на архипелагот[3]
Еколошки, островите му припаѓаат на екорегионот Антиподска субантарктичка островска тундра. Овие острови се прогласени за Светско наследство од УНЕСКО, заедно со останатите новозеландски субантарктички острови. Архипелагот е и природен резерват кадешто јавноста нема општ пристап.
Содржина |
Флора и фауна[уреди]
На островите живеат разни видови птици, меѓу кои и ендемските видови антиподска бекасина, антиподски папагал-скокач и антиподски албатрос. На Антиподите живеат и половина од гривестите пингвини на светот. Флората на островите е подробно евидентирана, и тука спаѓаат некои видови растенија што се сметаат за мегабилки.
Поврзано[уреди]
- Оддалечени новозеландски острови
- Список на острови на Нов Зеланд
- Новозеландски субантарктички острови
Наводи[уреди]
- ↑ Конечно пребројвуање – редовни жители и живеалишта - Области вон територијалните единици, Попис 2006. Статистика Нов Зеланд. проверено: 26 август 2010 (англиски)
- ↑ Antipodes, Liddell and Scott, "A Greek-English Lexicon" на Perseus.
- ↑ „Antipodes Island“. Програм за глобален вулканизам - Смитсонова институција. http://www.volcano.si.edu/world/volcano.cfm?vnum=1305-01-. (англиски).
Литература[уреди]
- Wise's New Zealand Guide (4th ed.) (1969). Dunedin: H. Wise & Co. (N.Z.) Ltd.
- "NGA-IWI-O-AOTEA". No. 59 (June 1967). Te Ao Hou - The Maori Magazine, pp. 43.
- Godley, E.J. The Botany of Antipodes Island. New Zealand Journal of Botany, 1989, Vol. 27: 531-563
- Entwisle, Peter (2005). Taka, A Vignette Life of William Tucker 1784–1817. Dunedin: Port Daniel Press. ISBN 0-473-10098-3.
- Taylor, Rowley, (2006) Straight Through from London, the Antipodes and Bounty Islands, New Zealand. Christchurch: Heritage Expeditions New Zealand Ltd. ISBN 0-473-10650-7.
