Ана Чапман

Од Википедија, слободната енциклопедија
Прејди на: содржини, барај
Ана Чапман

Ана Чапман во 2010 година
Роден(а) Ана Васильевна Кущенко
23 февруари 1982
Волгоград, Советски Сојуз
Живеалиште Москва, Русија
Други имиња Ана Кушенко
Државјанство Русинка
Британка (одзедено државјанство) [1]
Занимање претприемач, телевизиски водител, агент на Русија
Кривично обвинение Заговор дека дејствувала како агент на Русија во САД
Кривичен статус Депортирана во Русија[2]
Сопружник Алекс Чапман (разведени)[3]
Родители Ирина и Василиј

Ана Василевна Чепмен (руски: Ана Васильевна Чапман), родена како Ана Василевна Кушченко (руски: Ана Васильевна Кущенко) е поранешна руска шпионка која станала позната во 2010, кога, заедно со уште девет други лица, била уапсена во Соединетите Американски Држави на основа на сомневање за шпионажа во корист на Русија.

Чепмен, која е руски државјанин, се преселила од својата татковина во Лондон во 2000 година, каде се запознала со идниот сопруг Алекс Чепмен (кое презиме подоцна го користела). Тие стапиле во брак во 2001 година во Москва, при што Чепмен добила британско државјанство, истовремено задржувајќи го и руското државјанство.

Во 2006 Чепмен се вратила во Русија, а наскоро потоа заминала во Њујорк, каде се занимавала со онлајн трговија со недвижности во светот преку фирмата PropertyFinder LLC.

На 27 јуни 2010 агенти на US Marshals Service ја уапсиле Чапман заедно со уште девет лица осомничени како агенти на шпионска мрежа која работи за руската Служба за надворешно разузнавање. Против членовите на групата биле покренати обвиненија за извршување на разузнавачки активности во корист на странска држава, а не за шпионажа, бидејќи не било утврдено дали тие добиле пристап до доверливи информации. Откако биле признаени за виновни, вклучувајќи ја и Чапман, тие биле разменети против четворица руски државјани, тројца од кои имале односно одржувале казни за шпионажа во Русија, врз основа на постигнат договор за размена на затвореници меѓу САД и Русија.

По ослободувањето Чапман изразила намера да се пресели повторно во Лондон, но британските власти во меѓувреме презеле постапка за поништување на британското државјанство, и објавувиле дека Чепмен нема да биде добредојдена на британска територија. По ова, таа се заминала во родниот Волгоград, а подоцна започнала со работа во "Фондсервисбанк" како советник на претседателот на одборот Александар Воловик, добивајќи поддршка "за својот културологичен проект за апсорбирањето на вселенскиот простор".

Во декември 2010 Чапман била назначена за во советот на младите сили на Единствена Русија. Според организацијата, таа "ќе биде ангажирана во едукација на младите луѓе". На 21 јануари 2011 година, Чапман започнала да води неделно телевизиско шоу во Русија.

Наводи[уреди]

  1. Russian spy UK citizenship revoked“, 13 јули 2010 (конс. 13 јули 2010).
  2. „'Russian spies' deported; some kids to stay“. News.yahoo.com. 8 јули 2010. архивирано од оригиналот на 11 јули 2010. http://web.archive.org/web/20100711062721/news.yahoo.com/video/us-15749625/20781789. конс. 10 јули 2010. 
  3. Gordon Rayner and Andy Bloxham. „'Russia spy' Anna Chapman's husband: I thought I knew her“, Telegraph, 2 јули 2010 (конс. 13 јули 2010).