Алтмарк

Алтмарк кај Шерникау

Алтмарк е историски регион во Германија, ја сочинува северната третина од Саксонија-Анхалт. Како првична територија на грофството Бранденбург, некогаш е именуван како „Лулка на Прусија“, бидејќи Ото фон Бизмарк потекнува од Шенхаузен близу Штендал.

Географија

Топографија на Алтмарк

Алтмарк се наоѓа западно од реката Елба помеѓу градовите Хамбург и Магдебург, главно вклучувајќи ги сегашните окрузи Алтмаркрајс Залцведел и Штендал. На запад се наоѓа ридскиот масив Дравен и депресијата Дремлинг разделувајќи го од Линебуршкото поле во Долна Саксонија; Алтмарк се граничи и со регионот Вендланд на север и Магдебург Берде на југ. Источно од Елба се наоѓа историскиот регион Пригниц.

Населението е мало. Културниот пејзаж во рамките на Северноевропската низина е рурален и главно прекриен со шуми и полиња. Најголеми градови се Штендал, со население од 39.000 и Залцведел.

Најпозната личност, која потекнува оттука е канцеларот Ото фон Бизмарк, роден во Шенхаузен, во Алтмарк, на 1 април 1815.

Реки и езера

Реката Аланд близу Ванцер

Регионот е поделен од Елба, на која ѝ се придружува Хафел кај Хафелберг и нејзините леви притоки Милде-Бизе-Аланд и реката Јецел.

Најголемото природно езеро во Алтмарк е Арендзе.

Сообраќај

Патен

Алтмарк се наоѓа надвор од главните сообраќајни правци. Bundesautobahn 14 води до Bundesautobahn 2 од Хановер до Берлин, меѓутоа завршува на север од Магдебург. Продолжувањето низ Алтмарк, па сè до Шверин е веќе испланирано. И покрај тоа, сојузните автопати B71, B107, B188, B189, B190, B248 поминуваат низ регионот.

Железнички

Станицата Штендал е попатна станица на брзата железничка линија Хановер-Берлин. Други линии се:

• Штендал-Залцведел-Илцен
• Витенберге-Залцведел-Ебисфелде
• Магдебург-Штендал-Витенберге
• Бизмарк-Калбе (Милде)
• Штендал-Тангерминде

Градови

Скулптура во Штендал

• Залцведел
• Ебисфелде
• Арендзе
• Зехаузен
• Диздорф
• Бецендорф
• Клеце
• Мисте
• Гарделеген
• Калбе (Милде)
• Бизмарк
• Остербург
• Штендал
• Хафелберг
• Тангерминде
• Тангерхите

Надворешни врски

• Altmarkwiki, регионално Вики за Алтмарк