Аеродром Берлин-Шенефелд

Од Википедија, слободната енциклопедија
(Пренасочено од Аеродром Берлин Шенефелд)
Прејди на: содржини, барај
Аеродром Берлин-Шенефелд
Flughafen Berlin-Schönefeld
SXF Logo.svg
Airport Berlin Schoenefeld Building.jpg
IATA: SXFICAO: EDDB, ETBS
Преглед
Тип Јавен
Стопанисувач Flughafen Berlin Brandenburg GmbH
Опслужува Берлин
Место Шенефелд, Бранденбург
Јазол за
Надм. вис. 157 ft / 48 m
Координати 52°22′43″ СГШ 13°31′14″ ИГД / 
Мреж. место www.berlin-airport.de
Карта
SXF се наоѓа во Берлин
SXF
Местоположба во рамките на Берлин
Писти
Насоченост Должина Површина
m ft
07/25 3.600 11.881 Асфалт
Статистики (2010)
Патници 7.297.911
Извори: Германски AIP на EUROCONTROL[1]

Аеродромот Берлин-Шенефелд (германски: Flughafen Berlin-Schönefeld) (IATA: SXFICAO: EDDB) е меѓународен аеродром сместен во близина на градот Шенефелд, во сојузната покраина Бранденбург, на самата јужна граница со Берлин и 18 километри југоисточно[1] од центарот на градот. Шенефелд бил главен цивилен аеродром на Источна Германија (ГДР) и единствен аеродром, кој го опслужувал Источен Берлин. Денес е помалиот од двата берлински аеродроми.

Аеродромот Шенефелд е сместен надвор од границите на градот, за разлика од аеродромот Берлин-Тегел. Но, затоа пак, проблемот со бучавата е помалку присутен во Шенефелд. Аеродромот ќе биде споен во новиот Аеродром Берлин-Бранденбург во 2014.[2]

Аеродромот Шенефелд забележува голем пораст во бројот на патници во последните години, што се должи на отворањето на свои бази на EasyJet и Germanwings. Во 2008, аеродромот опслужил 6,6 милиони патници. На почетокот на зимската сезона во 2012, Germanwings го напуштил Шенефелд и се преселил на Берлин-Тегел како последица на задоцнетото отворање на Берлин-Бранденбург.[3]

Историја[уреди]

Изградба на новиот хангар на Interflug (1961).
Авиопревозниците од источниот блок (TAROM, Aeroflot и Interflug) на аеродромот во 1990.

Аеродромот Шенефелд бил отворен на 15 октомври 1934, каде била сместена фабриката на Henschel. До крајот на Втората светска војна биле произведени над 14.000 воздухоплови. На 22 април 1945, аеродромот бил окупиран од советските трупи, а производството на авиони било прекинато. До крајот на 1947, била поправена железничката врска до аеродромот. Во 1946, советските воздухопловни сили се преместиле од Јоханистал во Шенефелд, вклучувајќи го и цивилниот авиопревозник Aeroflot. Во 1947, советската администрација одобрила изградба на цивилен аеродром на местото. Помеѓу 1947 и 1990, аеродромот Шенефелд бил преименуван неколку пати и конечна станал главен аеродром на ГДР (Zentralflughafen).

Одредбата во Берлинскиот договор по Втората светска војна била целосна забрана на германските авиопревозници во воздушниот сообраќај до Берлин, каде пристапот бил ограничен на американските, британски, француските и советските авиопревозници. Бидејќи аеродромот Шенефелд се наоѓал надвор од границите на Берлин, оваа забрана не важела. Така, авиопревозникот на Источна Германија Interflug можел да го користи аеродромот Шенефелд, додека на западногерманската Lufthansa ѝ бил забранет пристапот до аеродромите Тегел или Темпелхоф.

По повторното обединување на Германија во 1990, управувањето на трите аеродрома довело до многу високи трошоци, што довело берлинските власти да побараат единствен аеродром кој би бил поефикасен и би го намалило количеството на бучава од аеродромот во рамките на градот. Така било одлучело да се изгради аеродромот Берлин Бранденбург на местото на аеродромот Шенефелд, првично предвиден да се отвори во есента 2012. Поради различни прочини, повеќе проблеми со системот за пожар и безбедност, отворањето било одложено за 2014. Новиот аеродром ќе дели само една писта со постоечкиот. Поголем дел од стариот аеродром, вклучувајќи ги терминалите и пероните ќе доживеат комплетна урбана обнова по неговото затворање.

Терминали[уреди]

Воздушен поглед

Аеродромот Шенефелд има четири терминали (A, B, C, D),[4] иако ова важи само за пријавувањето, додека се користи само еден заеднички излез.

  • Главната зграда е една од првите делови на аеродроми. Во нејзе се наоѓаат пријавувањата за терминалите А и В. Терминалот А најмногу е користен од страна на Ryanair. Терминалот В, во страничното крило, бил првично резервиран за транзитните патници до и од Западен Берлин, кои ги користеле евтините авионски патувања преку источногерманските туристички агенции. Денес е користен од easyJet, што му го донело и името Терминал easyJet.
  • Терминалот C бил првично изграден да ги опслужи летовите до Израел. Бил изменет во 2008 и сега опслужува патувања за разгледување и летови за специјални настани.[5]
  • Терминалот D бил отворен во декември 2005 поради енормно зголемениот број на патници. Најмногу е користен од Condor.

Авиопревозници и одредишта[уреди]

Аеродромот Шенефелд ги опслужува следниве авиопревозници. Сите летови ќе бидат префрлени на новиот аеродром во 2014 (или подоцна) кога ќе се отвори новиот аеродром.

Патници[уреди]

Авиопревозник Одредиште Пријавување
Aer Lingus Даблин A
Aeroflot Москва-Шереметјево A
Air Algérie Сезонски: Алжир A
Air VIA Сезонски: Бургас, Варна D
Belavia Минск A
Bulgarian Air Charter Сезонски: Бургас, Варна D
Condor Анталија, Фуертенвентура, Мадеира, Гран Канарија, Хургада, Ланзароте, Ларнака, Тенерифе-Југ
Сезонски: Бургас, Крф, Даламан, Џерба, Ираклион, Херез, Кос, Палма де Мајорка, Родос
D
EasyJet Агадир, Базел/Милуз, Единбург, Ливерпул, Лондон-Гетвик, Лондон-Лутон, Лондон-Саутенд, Манчестер, Маракеш, Софија A
EasyJet Амстердам, Атина, Барселона, Бристол, Брисел, Будимпешта, Копенхаген, Женева, Глазгов, Лисабон, Лион, Мадрид, Малага, Милано-Малпенза, Неапол, Ница, Палма де Мајорка, Париз-Орли, Пиза, Рим-Фјумичино, Салцбург (започнува на 12 декември 2013), Тенерифе Југ, Солун, Венеција-Марко Поло
Сезонски: Калјари, Крф, Дубровник, Ираклион, Миконос, Олбија, Родос, Сплит
B
EgyptAir Каиро A
El Al Тел Авив-Бен Гурион D
FlyNonstop Кристијансанд-Кјевик A
Freebird Airlines Чартер: Анталија A
Germania Адана (започнува на 7 ноември 2013), Бејрут (започнува на 28 октомври 2013), Фуертевентура (започнува на 2 ноември 2013), Хургада (започнува на 2 ноември 2013), Скопје (започнува на 20 декември 2013) TBA
Israir Airlines Тел Авив-Бен Гурион D
Jet2.com Сезонски: Лидс/Брадфорд D
Norwegian Air Shuttle Берген, Копенхаген, Осло-Гардермуен, Ставангер, Стокхолм-Арланда, Трондхајм D
Nouvelair Сезонски: Џерба, Енфида A
Pegasus Airlines Истанбул-Сабиха Гекчен A
Rossiya Санкт Петербург A
Ryanair Бергамо, Даблин, Источен Мидлендс, Лондон-Станстед, Осло-Руге, Стокхолм-Скавста A
Sun d'Or International Airlines
управуван од El Al
Сезонски: Тел Авив-Бен Гурион D
TAP Portugal Лисабон A
Tunisair Џерба, Енфида, Тунис A
WOW air Рејкавик-Кефлавик D

Товар[уреди]

easyJet е најголемиот авиопревозник на аеродромот Берлин-Шенефелд
Авиопревозник Одредиште
FedEx Feeder
управуван од Air Contractors
Гдањск, Париз-Шарл де Гол
West Air Sweden Келн/Бон

Други објекти[уреди]

Главното седиште на Private Wings се наоѓа на терминалот за општа авијација („Allgemeine Luftfahrt“) во посед на аеродромот Шенефелд.[6][7][8] Пред неговото пропаѓање, седиштето на источногерманскиот авиопревозник Interflug се наоѓало на самиот аеродром.[9][10]

Транспорт до аеродромот[уреди]

Карта на планираниот аеродром Берлин-Бранденбург и постоечкиот аеродром Шенефелд.
  • Аеродромот Шенефелд е опслужуван од железничката станица Аеродром Берлин-Шенефелд, сместена на мала оддалеченост од аеродромскиот терминал. Линиите на берлинската С-Железница С9 и С45 сообраќаат на секои дваесет минути. Регионалниот експресен воз AirportExpress е единствена директна врска со центарот на Берлин. Сообраќа на секои 30 минути и застанува на најважните станици во Берлин.
  • Аеродромот е поврзан со локалните автобуски линии, како што се 162 и 171. Дополнително автобусот X7 обезбедува врска со мрежата на берлинската У-Железница кај станицата Рудов[11] Ноќе постои замена за автобусите, а тоа автобусот N7.

Несреќи и инциденти[уреди]

Во времето на Источна Германија
  • На 14 август 1972, авионот Иљушин Ил-62 на Interflug се срушил близу Кенигс Вустерхаузен кратко по полетувањето за Бургас, при што загинале сите 156 патници и екипажот.
  • На 22 ноември 1977, авионот Тупољев Ту-134 на Interflug се срушил при слетување на аеродромот Шенефелд поради погрешно наместен автопилот. Немало жртви помеѓу 74. патници и екипажот, но авионот бил оштетен.[12]
  • На 19 август 1978, Летот 165 на LOT од Гдањск до Шенефелд (Тупољев Ту-134), бил преземен и присилен да слета на аеродромот Темпелхоф во Западен Берлин, со што бил искористен за пребегнување од Источниот блок. Вообичаено во овие случаи сторителите не биле обвинувани од западните власти.[13]
  • На 12 декември 1986, Тупољев Ту-134 на Aeroflot доаѓајќи од Минск се урнал во Берлин-Бонсдорф при пристапување кон аеродромот Шенефелд, откако се обидел да слета на писта, која била привремено блокирана поради градежни работи, при што загинале 72 од 82 патници и екипажот.[14]
  • На 17 јуни 1989, авионот Иљушин Ил-62 на Interflug упатен кон Москва се урнал кратко по полетувањето близу аеродромот и предизвикал пожар. 21 патник, како и едно лице на земјата загинале. Источногерманските власти стравувале од саботажа поради годишнината на востанието во Источна Германија, што довело за задоцнета помош за повредените луѓе. Западногерманските спасувачи понудиле помош, но им бил забранет пристапот на местото. Подоцна, причината за несреќата била припишана на проблеми во кормилото поради грешка во изработката.[15]
Во времето на обединета Германија
  • На 28 март 2000, Боинг 737-300 на Germania на чартер-лет од Тенерифе до Шенефелд бил предмет на киднапирање во обид во текот на летот. Патник влегол во пилотската кабина, каде го нападнал пилотот, што довело до ненадеен пад на висината. Сторителот бил смирен и летот продолжил до Берлин.[16]
  • На 19 јуни 2010, историскиот Даглас ДЦ-3 изграден во 1944 на Berlin Air Services се срушил кратко по полетувањето на лет за локално разгледување, предизвикувајќи 7 повредени, но без жртви.[17]

Поврзано[уреди]

Наводи[уреди]

  1. 1,0 1,1 EAD Basic
  2. Иднината лежи во Шенефелд ((англиски))
  3. Germanwings се сели во Берлин-Тегел ((германски))
  4. Преглед на аеродромот Шенефелд
  5. Event and Show Terminal C
  6. Anfahrt GAT Schönefeld.“ Private Wings. 7 јануари 2013.
  7. Access Business Aviation Center/GAT.“ Private Wings. 7 јануари 2013.
  8. Imprint.“ Private Wings. 7 јануари 2013.
  9. „World Airline Directory.“ Flight International. 26 март 1988. 82. „Head Office: DDR-1189, Berlin-Schönefeld Flughafen, German Democratic Republic.“
  10. „World Airline Directory.“ Flight International. 26 март 1970. 484. “Head Office: Zentralflughafen. Berlin-Schonefeld, 1189. German Democratic Republic.“
  11. Линии на автобусите во Берлин. 23 декември 2009.
  12. „Interflug accident of 1977 at the Aircraft Accident Database.“. Aviation-safety.net. http://aviation-safety.net/database/record.php?id=19771122-1. конс. 10 јануари 2012. 
  13. „LOT highjacking at the Aircraft Accident Database.“. Aviation-safety.net. http://aviation-safety.net/database/record.php?id=19780830-0. конс. 10 јануари 2012. 
  14. „Aeroflot accident of 1986 at the Aviation Accident Database.“. Aviation-safety.net. http://aviation-safety.net/database/record.php?id=19861212-0. конс. 10 јануари 2012. 
  15. „Interflug accident of 1989 at the Aviation Accident Database.“. Aviation-safety.net. http://aviation-safety.net/database/record.php?id=19890617-2. конс. 10 јануари 2012. 
  16. „Germania attempted highjacking at the Aircraft Accident Database.“. Aviation-safety.net. http://aviation-safety.net/database/record.php?id=20000328-0. конс. 10 јануари 2012. 
  17. „Accident description“. Aviation Safety Network. http://aviation-safety.net/database/record.php?id=20100619-0. конс. 20 јуни 2010. 

Надворешни врски[уреди]