Ав
| ← тамуз ав (אָב) елул → | ||||
|---|---|---|---|---|
_La_distruzione_del_tempio_di_Gerusalemme_-Francesco_Hayez_-_gallerie_Accademia_Venice.jpg) „Вториот храм во пламен“ (1867) од Франческо Ајец. Денот 9 ав (Тиша беав) е пост во спомен на „најцрниот ден во еврејската историја“ кога е запален светиот Ерусалимски храм.
| ||||
| Реден број: | 5 | |||
| Денови: | 30 | |||
| Годишно време: | лето | |||
| Грегоријански: | јули–август | |||
Ав (хебрејски: אָב, арамејски: אבא, аба; од акадски: abu, „татко“) — единаесеттиот месец од граѓанскиот и петтиот месец од верскиот еврејски календар. Името му е од вавилонско потекло и се јавува во Талмудот некаде околу III век, но е единствениот еврејски месец што не е споменат во Библијата. Ова е летен месец и трае 30 дена. Обично соодветствува на јули-август во грегоријанскиот календар.
Во Таанит 29а од Вавилонскиот Талмудуд се вели дека „кога ќе настапи [месецот] ав, радоста ни опаѓа“. Причината е тоа што во првата половина од овој месец се случиле најцрните настани во еврејската историја.[1] Од особено значење се т.н. „Девет дена“ кои го доживуваат својот врв во постот Тиша беав на 9 ав. Но покрај овие празници, на полна месечина во месецот се празнува и мошне запоставениот празник Ту беав (15 ав) кој уште од древноста важел за еден од најсреќните денови во годината.
Празници во ав[уреди | уреди извор]
Наводи[уреди | уреди извор]
- ↑ Данон, Цадик (2008). Основни поими на јудаизмот (PDF). прев. Марија Алексиќ (II. изд.). Скопје: Еврејска заедница во Република Македонија. ISBN 9989-102-14-7.
Надворешни врски[уреди | уреди извор]
- Овој месец во еврејската историја (англиски)
- Еврејскиот месец ав (англиски)
| |||||||||||||
