Џенифер Анистон

Од Википедија — слободната енциклопедија
Прејди на: содржини, барај
Џенифер Анистон
Jennifer Aniston
JenniferAniston08TIFF.jpg
Роден(а) Џенифер Џоан Лин Анастасакис
11 февруари 1969 ж
Flag of the United States.svg САД Шерман Оакс, Калифорнија, САД
Партнер(ка/ки/и) Бред Пит (2000-2005)

Џенифер Џоана Анистон (англиски: Jennifer Joanna Aniston) (11 февруари 1969, Лос Анџелес, Калифорнија, САД) е американска глумица.

Биографија[уреди | уреди извор]

Џенифер Анистон е родена како Џенифер Џоан Лин Анастасакис, ќерка на познатиот американски глумец Џон Анистон и на Ненси Анистон. Нејзината мајка е од италијанско - шкотско потекло, а таткото од грчко потекло. Краток дел од своето детство го поминала во Грција. Нејзините родители се развеле кога Џенифер имала девет години. Таа останала да живее со мајка си, а постариот брат Џон се преселил во Лос Ангелес. Подоцна, според нејзиното признание, неколку години не разговарала со мајка си, поради нејзиниот незгоден карактер.[1]

Актерска кариера[уреди | уреди извор]

Анистон се појавила како „Nutri System“ девојка во радиското шоу на Хауард Стерн во доцните 1980-ти и раните 1990-ти. Таа се преселила во Холивуд и ја добила првата телевизиска улога во серијата "Molloy", а потоа во филмот „Camp Cucamonga“. Исто така, таа играла лик на сестри во ТВ серијата „Ferris Bueller“. Серијата набргу била откажана. По двата неуспеха, Анистон полека почнала да се одрекува од глумата.

Но, плановите ѝ се промениле кога се пријавила на аудицијата за хумористичната серија „Пријатели (Friends)“, која започнала со емитување во сезоната 1994/1995. Продуцентите на серијата сепак сакале да ја видат Џенифер во улогата на Моника Гелер, но Џенифер била упорна и ги уверила дека ликот на Рејчел Грин како да бил напишан за неа. Така, таа ја добила улогата на Рејчел, и ја играла цели 10 години, од 1994 - 2004година. Серијата била позната по целиот свет, дури и фризурата како „Рејчел“ била барана по фризерските салони. Џенифер добивала милионска плата по епизода за последните две сезони на „Пријатели“. Освен тоа, таа добила и пет номинации за престижната телевизиска награда „Еми“, а добила една награда за „Најдобра главна глумица во хумористична серија“.

Во тоа време, Џенифер снимала и филмови, како на пр. култниот филм „Office Space“. Најголема поддршка од критичарите добила за улогата во филмот „Добра девојка (The Good Girl)“ во кој глумела лик на слабо платена благајничка во мал град. Најголемиот нејзин филмски успех бил оној со филмот „Семоќниот Брус (Bruce Almighty)“, во кој му била девојка на Брус (го игра Џим Кери).

Во 2014 година, Анистон направила пресврт во филмската кариера, со улогата во филмот „Торта“, во кој игра жена која страда од хронична болка како последица на сообраќајна несреќа. Таа добила одлични критики и, иако била споменувана како една од најсериозните кандидатки за наградата „Оскар“, таа не била ниту номинирана за оваа награда.[2]

Приватен живот[уреди | уреди извор]

Џенифер била во љубовна врска со музичарот Адам Дуртиза, а била свршена за глумецот Тате Донован. Сепак, нејзината најпозната љубовна врска е онаа со глумецот Бред Пит. Со него се венчала на 29 јули 2000 година, на еден имот во Малибу. Парот се разделил на 7 јануари 2005 година, разводот станал официјален на 25 март истата година, а бил финализиран на 2 октомври 2005 година. Подоцна, таа се свршила со актерот Џастин Теру со кого се запознала на еден одмор на Хаваи. Анистон е голем љубител на уметноста и поседува дела на Марк Шагал, Роберт Мадрвел и Глен Лигон, а во минатото поседувала уметничко во кое самата сликала и работела со глина.[3]


Наводи[уреди | уреди извор]

  1. Наташа Спирова, „Им посакувам сè најдобро на Бред и на Анџелина“, Антена, број 867, 6.2.2015, стр. 12-13.
  2. Наташа Спирова, „Им посакувам сè најдобро на Бред и на Анџелина“, Антена, број 867, 6.2.2015, стр. 12-13
  3. Наташа Спирова, „Им посакувам сè најдобро на Бред и на Анџелина“, Антена, број 867, 6.2.2015, стр. 12-13