Љупчо Георгиевски

Од Википедија — слободната енциклопедија
Прејди на: содржини, барај
Љупчо Георгиевски
Ljubco Georgievski.jpg
Љупчо Георгиевски, 10 мај 2012
Роден Љубчо Георгиевски
17 јануари 1966
Штип, СР Македонија (денес Македонија)
Познат политичар, политички активист во Македонија
Занимање политичар
Сопружник Снежана Георгиевска
Деца Лав Георгиевски


Љупчо Георгиевски[1] или Љубчо Георгиевски[2](17 јануари 1966, Штип) е претседател на ВМРО-Народна партија. Тој е првиот претседател на ВМРО-ДПМНЕ, од нејзиното основање во 1990, до мај 2003 година. Тој е првиот потпретседател на Република Македонија по прогласувањето на нејзината независност во 1991 година. Од 1998 до 2002 бил Премиер на Република Македонија.

После параментарните избори 2002 година, во ВМРО-ДПМНЕ следува период на внатрепартиски превирања, после кои Никола Груевски е избран за лидер на партијата, со протекцијата на дотогашниот претседател Георгиевски. Во 2004 година, по несогласувања со политиката на Груевски, Георгиевски се повлекол од матичната партија и ја формирал ВМРО-Народна партија.

Во 2006 година, Георгиевски добил бугарско државјанство[3] со што во Македонија и Бугарија предизвика бројни полемики за вистинските мотиви за ваквиот чин. Самиот тој се дефинира како бугарофил.

На парламентарните избори во јуни 2011 година, како носител на гласачка листа на партијата ВМРО-Народна партија, освоил само 1300 гласови, со што го доживеа неговиот најкатастрофален политички дебакл, освојувајќи помалку гласови дури и од тогашниот претседател на ВМРО-Народна партија.

Во јуни 2012 год. ја објавил својата автобиографска книга „Тоа сум јас“, во која говори за својот личен живот и политичка кариера.[4] Георгиевски, констатира во кигата метафорично, дека „Македонците се најголеми фалсификатори на балканската историја“ и дека ќе го „проколнат мајчиното млеко затоа што се откажале од св. Климент и св. Наум“. Тој остро ја критикува спроведуваната бугарофобска политика на Никола Груевски, кого дефинира како србофил. Георгиевски го одредува наметнатиот по неговото управување процес на антиквизација во земјата, како карикатура, а проектот "Скопје 2014" како "Дизниленд на Балканот".

Надворешни врски[уреди]

Белешки[уреди]

  1. Правопис на македонскиот литературен јазик XVI издание, Б. Видеоски и други, Просветно дело, Скопје, 2007, стр. 84, § 191
  2. Оваа верзија на името е според бугарскиот правопис, односно за разлика од македонскиот кај бугарскиот јазик нема изедначување на согласките по звучност, па така согласката „б“ не се менува во „п“
  3. Агенция за българите в чужбина. Издаване на удостоверение за български произход. (бугарски)
  4. „Тоа сум јас“, нова книга на Љубчо Георгиевски; преземено од Плус Инфо, 25.06.2012