Љупчо Арсов

Од Википедија, слободната енциклопедија
Прејди на: содржини, барај
Љупчо Арсов
Љупчо Арсов
Роден на 19 мај 1910
Роден во Штип,
 Отоманска империја
Починал на 18 ноември 1986. (76 год.)
Починал во Скопје, СР Македонија,
СФРЈ
Професија економист

Член на КПЈ од 1940.
Учество во војни Народно-ослободителна борба

Функција Претседател на претседателството
на СР Македонија
Мандат 1979 - 1982
Претходник Видое Смилевски
Наследник Ангел Чемерски
Народни херој од 29 ноември 1953
Одликување
Орден народен херој
Орден јунака социјалистичког рада
Орден народног ослобођења
Орден заслуга за народ
Орден братства и јединста

Грешка: сликата е неважечка или не постои

Орден за храброст
Партизанска споменица 1941.

Љупчо Арсов (9 мај 1910 во Штип - 18 ноември 1986 во Скопје) бил македонски револуционер и републички функционер за време на СРМ. Прогласен е за Народен херој на Југославија и Јунак на социјалистичкиот труд. Носител е и на Партизанска споменица 1941.[1]

Пред Втората светска војна работел како банкарски службеник. Завршил Комерцијална и економска школа во Загреб. Уште од студентските денови се вклучил во напредното младинско движење. Член е на Комунистичката партија на Југославија од јуни 1940.[2]

По окупацијата во 1941 година се вратил во Македонија. Во јули 1942 година е уапсен и интерниран во Бугарија. По излегувањето од затвор во март 1943, бил секретар на Окружниот комитет на КПЈ за Македонија во Штип, политички комесар на Првата оперативна зона, член на Обласниот комитет на КПМ во Скопје, член на Главниот штаб на НОВ и ПОМ, член на Бирото на ЦК КПМ, член на Петтата оперативна зона. Во летото 1944 година станува член на ЦК КПМ. Учествува на Првото заседание на АСНОМ на кое е избран за секретар на Президиумот на АСНОМ.

Повоена кариера[уреди]

По војната врши повеќе раководни републички и сојузни функции. Прво е потпретседател и министер за финансии во Првата влада на НР Македонија. Потоа, од јануари 1948 до декември 1953 година е министер за труд во сојузната влада на Југославија. Од 1953 до 1960 е Претседател на Извршниот совет на Собранието на Социјалистичка Република Македонија (функција рамна на премиерска) со едногодишен мандат. Член е на Сојузниот извршен совет од 1960 до 1962 година. Од 26 јуни 1962 до 24 јуни 1963 година е претседател на Народното собрание на Република Македонија, а од 1963 - 1967 година е претседател на Републичкиот комитет на Сојузот на социјалистичкиот работен народ на Македонија. Во истиот тој период одново е претседател на Извршниот совет на Собранието на Република Македонија. Од 1967 до 1971 година е потпретседател на Сојузната конференција на ССРНЈ, член на Советот на југословенската федерација, додека во периодот од 1979 година е член на Претседателството на СРМ, а бил и негов претседател.

До 1974 година Љупчо Арсов е избран во сите свикувања на Собранието на СРМ и во Сојузното собрание.

Трагично загинува во Скопје во 1986 година.

Надворешни врски[уреди]

Наводи[уреди]

  1. Коробар, Перо (1987). „Сеќавање на современиците“ (Едиција Македонска книжевност издание). Наша Книга. 
  2. Štip i štipsko vo narodnoosloboditelnata vojna 1941-1945: prilozi ot naučniot sobir održan na 17, 18 i 19 maj 1990 vo Štip, Buch 3, Dimče Belovski, Matica Makedonska, 2000