Јордан Леов

Јордан Леов
Роден	29 август 1920 Велес, Македонија
Починал	20 септември 1998 Скопје, Македонија

Јордан Леов (Велес, 29 август 1920 - Скопје, 20 септември 1998) — македонски раскажувач, романописец и драмски автор.

Животопис

Јордан Леов е роден во Велес на 29 август 1920 година. Студирал право на Универзитетот во Белград, а студиите ги завршил во Софија. За време на окупацијата на Македонија неколкупати бил затворен од бугарската валст и протеран во Бугарија. Учествувал во НОБ. По ослободувањето на Македонија, работел како заменик на јавниот правобранител на Македонија, а исто така, бил уредник на „Нова Македонија“, „Културен живот“ и други весници и списанија. Бил член на Друштвото на писатели на Македонија од 1952 година.

Творештво

Леов е автор на следниве дела:

• „Посилни од смртта“ (раскази, 1952)
• „Велес во НОБ: велешките партизански одреди“ (заедно со Никола Кирков, 1952)
• „Длабока рана“ (раскази, 1953)
• „Побратими“ (роман, 1956)
• „Виор“ (роман, 1957)
• „Исчезнат свет“ (раскази за деца, 1957)
• „Расцветан јасмин“ (драма, 1957)
• „Глуви мугри“ (роман, 1960)
• „Афион“ (роман, 1963)
• „Антологија на болката“ (романизирана биографија, 1968)
• „Лош сон“ (повест за деца, 1972)

Леов е автор на првиот македонски хумористичен роман, „Побратими“ во кој дава интересна слика на велешката чаршија.