Јован Безземниот

Јован Безземниот John of England Jean d'Angleterre
Крал на Англија (повеќе...)
Владеење	6 април 1199 – 19 октомври 1216 (&1000000000000001700000017 години и &10000000000000196000000196 дена)
Крунисување	27 мај 1199
Претходник	Ричард I
Наследник	Хенри III
Сопруг	Изабела Глостерска 1189 - 1199 Изабела Ангулемска 1200 - 1216
Потомци
Хенри III Ричард (Прв Ерл од Корнвол) Јоана, кралица на Шкотска Изабела, Света Римска Принцеза Елеонора Лестерска
Династија	Династија Плантагенет
Татко	Хенри II
Мајка	Елеонора Аквитанска
Раѓање	24 декември 1167(1167-12-24) дворец Бјумаунт, Оксфорд
Смрт	19 октомври 1216 (на возраст од 48 г.) Нотингемшир
Погреб	Вустерска катедрала

Јован Безземниот (24 декември 1166 — 18 октомври 1216) (англиски: John of England; француски: Jean d'Angleterre или John Lackland), бил крал на Англија во периодот од 1199 до 1216 година, наследувајќи го својот брат Ричард I. Неговиот надимак, Lackland, го добил поради тоа што не добил никаква земја од страна на својот татко, сè до смртта на своите постари браќа, но и поради загубата на голем дел од француските територии. Тој бил наследен од страна на неговиот син Хенри III.

Во јуни 1215 година, кралот под притисок на бунтовничките барони бил принуден да ја потпише Големата повелба за правата (латински: Magna Carta Libertatum). Со неа била ограничена моќта на монархот, а обичните луѓе се стекнале со права, со што започнале да се развиваат идеите за слобода и демократија.

Рани години

Јован бил петиот син на Хенри II и Елеонора Аквитанска. Тој бил миленик на своите родители, но бидејќи бил најмлад, неможел да очекува никакво наследство. Во времето кога неговите браќа направиле сојуз против Хенри II, Јован често пати бил или на едната или на другата страна од конфликтот. Во 1184 година, Ричард и Јован ја сакале Аквитанија под своја управа. Во 1185 година тој станал владетел на Ирска, но главно поради фактот што не бил почитуван и сакан од народот, тој од таа позиција се повлекол по осум месеци. Во 1189 година, за нов крал на Англија бил избран Ричард I.

Отсуството на Ричард

Во времето кога Ричард тргнал во Третиот крстоносен поход, Јован се обидел да го смени бискупот од Елија, кој бил поставен од страна на Ричард како регент за време на неговото отсуство. Кога Ричард се враќал од крстоносниот поход, тој од страна на австрискиот цар Хенрик VI, кој побарал голема сума на пари како откуп за Ричард. Споре денкои, Јован испратил писмо до австрискиот цар во кое барал Ричард да не биде пуштен на слобода. Но, приврзаниците на Ричард по неколку години го платиле надоместокот, па во 1194 година Ричард се вратил во Англија. Ричард му простил на својот брат, и го именувал за свој наследник.

Конфликтот со Артур

По смртта на Ричард, Јован бил прогласен за нов крал на Англија. Неговиот внук, Артур Бретонски, кој бил син на неговиот брат Жофруа од Бретанија. Артур, кој имал подршка од страна на францускиот крал Филип II Август, сакал тој да биде прогласен за идниот крал на земјата, па така се дошло до конфликт. Од друга страна пак, Франција ги нападнала англиските територии кои се наоѓале на територијата на денешна Франција. По победата, тој овие земји, без Нормандија, ги доделил на Артур.

Поради ова, кралот на Англија наредил да се изгради бродска база во Портсмут. До крајот на 1204 година, Англија имала 45 големи борбени бродови, и секоја година производството се зголемувало за четири бродови. Тој се смета за основач на кралската монарница.

Јован се оженил за ќерката на велшкиот принц. По ова, Артур се обидел да ја киднапира мајка му Елеонора, но тој бил фатен и заточен во Руана.

Подоцнешни години

Во 1207 година, Јован влегол во конфликт со папа Инокентие III. Свештениците барале од кралот право да тие имаат можност да го избираат новиот епископ. Спорот со папата се појавил кога тој откажал на папата да Стивен Ленгдан биде новиот епископ на Кентербери. По две години, Јован попуштил и се признал за вазал на папата во Рим.

Политиката која ја спроведувал Јован била доста непопуларна. Последните десет години од неговото владеење биле исполнети со неколку обиди да се вратат загубените територии од Франција. За финансирање на тие походи, тој ги зголемил даноците на бароните, по кое се развило незадоволство кај истите. Во 1215 година тие го зазеле Лондон. Под притисок на бароните, тој ја потпишал т.н. Магна карта, според која ги намалил правата на монарсите.

Јован починал на 19 октомври 1216 година. Негов наследник станал Хенри III.

Јован Безземниот Династија Плантагенет Роден(а): 24 декември 1166 Починал(а): 19 октомври 1216
Владејачки титули
Претходник Ричард I	Крал на Англија 1199–1216	Наследник Хенри III¹
Нова титула Освојување на Ирска³	Владетел на Ирска 1185–1216
Претходник Елеонора и Ричард I	Војвода од Аквитанија 1199–1216 со Елеонора (1199–1204)	Наследник Хенри III¹
Претходник Ричард I	Војвода од Нормандија 1199–1204	анексија од Франција	Војвода од Мајн 1199–1203